Santiago de Compostela, 8 de outubro de 2010. O portavoz da Área Institucional Grupo Parlamentario dos Socialistas de Galicia, José Manuel Lage Tuñas defendeu hoxe no Parlamento de Galicia unha interpelación sobre a situación da función pública de Galicia e as constantes anomalías e irregularidades existentes en diferentes procesos selectivos de acceso ao emprego público.
O Viceportavoz do Grupo Socialista tamén denunciou a “paralización da toma de posesión de centos de opositores que están nas súas casas agardando a que o goberno galego os chame para outorgarlle as prazas de funcionarios que gañaron fai meses”.
Lage Tuñas propuxo “que se outorgue as prazas de funcionarios aos opositores que aprobaron fai meses e están na casa agardando a ser nomeados. Pedímoslle que os nomeen á maior brevidade posible”.
O Portavoz da área institucional do Grupo Socialista díxolle á Conselleira de Facenda que “ou cesa ao director xeral da función pública ou senón será vostede a responsable directa das irregularidades nas oposicións”. “Tanto Rueda, como Farjas, como a conselleira de Facenda negaron a existencia de irregularidades nas oposicións do SERGAS, agora só que se poñan de acordo entre eles para saber quen ten que levalas, quen vai asumir a responsabilidade política das irregularidades do SERGAS", enfatizou o deputado. LageTuñas considera necesario que “se poña fin á neglixente xestión dos procesos selectivos da Xunta de Galicia porque é moi grave a confirmación de que se rompeu a igualdade de oportunidades, non houbo imparcialidade nin garantías nos procesos selectivos do SERGAS”
"Seis meses despois constátase que as nosas denuncias estaban fundamentadas. A miragre do Sergas non era tal, senón que o Valedor do Pobo constatou que sí houbo persoas que tiveron situación ventaxosas con respecto ao resto dos opositores.O propio Valedor constata que é improbable a existencia dunha grande casualidade”, engadiu. Lage recorda que “o único que se sabe é que familiares directos dunha alto cargo da Xunta e traballadores da Dirección Xeral de Recursos Humanos do SERGAS obtiveron as mellores puntuacións entre máis de 7.500 persoas e agora constatase que houbo irregularidades nestas oposicións". "O goberno galego acusounos de xerar alarma entre os opositores, e agora que se constatan pediremos que se asuman responsabilidades políticas porque estamos diante dun caso moi grave", asegura Lage, quen asegura que "o Valedor do Pobo vén de facer pública a constatación da existencia de irregularidades nas probas do SERGAS denunciadas por este grupo parlamentario e o feito de que se inste a separar dos procesos selectivos a determinadas persoas que conforman os tribunais de selección das probas denunciadas incide nas denuncias que levamos facendo ao longo dos últimos meses."
"Chove sobre mollado, xa que en Galicia hai milleiros de opositores que están indignados polas graves irregularidades que se veñen de producir de forma continuada nos procesos selectivos de acceso á función pública convocados pola Xunta de Galicia, unha constante dende a chegada do Partido Popular ao goberno de Galicia da man de Alberto Núñez Feijóo", afirma Lage, quen di que despois do cese de dúas sudirectoras xerais nas consellerías de Facenda e na de Sanidade a raíz das denuncias "que fomos formulando ao longo dos últimos meses, é hora de que o goberno galego asuma responsabilidades políticas despois de que o Valedor do Pobo veña de facer pública a constatación da existencia de irregularidades nas probas do SERGAS denunciadas por este grupo parlamentario."
"No caso das oposicións do SERGAS démoslle voz ás denuncias que alertaban de serias sospeitas de irregularidades nos procesos selectivos, tendo o seu epicentro as mesmas na Dirección Xeral de Recursos Humanos do SERGAS e sendo coñecedor das mesmas o Director Xeral da Función Pública da Xunta de Galicia", finalizou o deputado outiense.
Onte publicamos:
Política: o Valedor do Pobo insta á Xunta a atallar as irregularidades nas oposicións que denunciara Lage
Posted via email from Certo.gl, o xornal dixital de Barbanza e Noia
Boiro, 13 de outubro de 2010. O departamento de Servizos Sociais do Concello de Boiro organizará no vindeiro trimestre do ano que andamos, un proxecto denominado “Fomento de hábitos de vida saudables na terceira idade”. O número de prazas é limitado, mais a participación no programa é de balde.
