Código Cero cos Chiquilicuatres

Os Chiquilicuatres presentan na Festa da Chuvia o seu disco sen disco: nun pen drive·

Os Chiquilicuatres presentan na Festa da Chuvia o seu disco sen disco: nun pen drivemércores 12 de marzo do 2008, por Fernando Sarasqueta | Enviar por e-mail | Chuza!A banda de Ribeira Os Chiquilicuatres, que está a presentar un traballo que é máis elocuente no seu título có 99% de todo o que nos chega polo correo postal (Delitos de Autor, chámase), anda á procura de novos xeitos de comunicación cos seus seareiros, a poder ser deixando á SGAE en vía morta. O caso é que para dar a coñecer ó grande o seu disco, os integrantes da banda (Suso Bello, Alberto Millán e Fernando Pérez) vanse apoiar en dous piares a primeira vista incompatibles pero finalmente non tanto: por unha banda, o formato festeiro-etílico-musical de romaría galega e, pola outra, as novas tecnoloxías da información.Concretamente, a festa elixida para a presentación en casa propia vai ser a Festa da Chuvia, esta fin de semana en Ribeira, sendo a tecnoloxía que a soporte un pen drive en toda regra.Deste xeito, segundo nos contan no sitio de Eniac Informática, o disco desta banda non é tal disco. Pola contra, o que se vai poñer á venda na dita festa é o traballo de Os Chiquilicuatres nunha memoria USB, memoria que ten espazo como para incluír en breve o concerto do grupo esta fin de semana Ribeira, ó que (precisamente) poderemos optar en pouco tempo sempre que teñamos entre mans o dito pen drive.Toda esta enleada, segundo o grupo, vén a conto para ceibar no futuro ós seus seareiros dun peso importante: o do pago de taxas á SGAE, concretamente as taxas do canon dixital sobre soportes como CDs ou DVDs (o canon do pen drive xa está amortizado).

Os Chiquilicuatres presentan na Festa da Chuvia o seu disco sen disco: nun pen drive - Código Cero - Diario Tecnolóxico de Galicia

Haberá que coller servidor propio, ou van pensar que somos unha revista da tenda e academia Eniac Informática (á que lle agradecemos o espazo, claro)

Blogged with the Flock Browser