Boiro: Toño Chouza oferta a produción executiva da súa curta "Yo hice un curso de yoga"

Os novos xeitos de financiación do cinema alíanse coas novas tecnoloxías. O penúltimo en incorporarse a esta opción é o boirense Toño Chouza, que busca produtores executivos da súa nova curta a partires de 10 euros.

Que tes ti a cambio? Figuras nos nomes de crédito, recibes na casa un dvd coa curta e tamén a invitación para cando sexa a estrea. Pódese pedir máis por tan pouco? Veña, anímate, tes a información na imaxe e un adianto do que vai ser esta curta (preprodución) no blog de Toño Chouza: http://disparodenieve.blogia.com/2009/121102-yo-hice-un-curso-de-yoga-preproduccion-.php

En Certo falamos, noutra volta, dunha iniciativa similar para un filme en slow motion que, se non hai máis gafes co Xacobeo, dará moito que falar este ano, cando se estree e despois. Trátase de "O Apóstolo", de Fernando Cortizo, da cal falamos, xa en 2008, aquí

Posted via email from Posterous de Certo, o xornal virtual de Barbanza e Noia