15.3.12

A Pobra do Caramiñal: o Concello encaixa unha viaxe pola Costa da Morte o 7 de abril

Excursion-camarias

A Pobra, 15 de marzo de 2012. O concello da Pobra do Caramiñal ten previsto levar a cabo unha excursión á localidade de Camariñas o vindeiro sábado 7 de abril.


A localidade de Camariñas, ubicada en plena Costa da Morte, é unha pequena poboación que conta con algo máis de 6.000 habitantes e que é coñecida sobre todo pola súa arraigada tradición na elaboración de encaixe de bolillos, unha arte recoñecida a nivel internacional que comeza a súa andaina nesta zona da costa galega alá polo século XV, momento no que, segundo conta unha lenda, naufragou fronte as costas de Camariñas un barco de orixe italiana, e unha das superviventes, en agradecemento pola axuda recibida, aprendeulle ás mulleres do lugar esta forma de facer encaixe.


Muxía e Muros no percorrido


Tamén está prevista a visita  a veciña localidade de Muxía, poboación que vive do mar e que rivaliza con Camariñas na elaboración do encaixe de bolillos, e a localidade de Muros, que presume de ter un dos cascos antigos de orixe medieval mellor conservados de Galicia, cunha das xoias galegas do gótico mariñeiro dedicada a San Pedro, e unha sucesión de rúas rebautizadas a finais do século XIX con nomes típicos dunha época histórica na que o home tomaba conciencia de si mesmo e dos sentimentos: soidade, tristeza,…

Media_httpfarm8static_qdaxf

Rúa Venus en Muros

Para anotarse ou solicitar máis información, os interesados poden dirixirse ó concello e preguntar por Lola.


O mesmo día:



Pode que tamén lle interese:






 

Posted via email from Certo.gl, o xornal dixital de Barbanza e Noia

No hay comentarios:

Twitter

Related Posts with Thumbnails Banner: Regale selva tropical