Ribeira: o conservatorio ferve coas audicións de fin de curso

 

Ribeira, 22 de xuño de 2012.- Orellas quentes e máis abertas que nunca estes días no salón de actos do Conservatorio de Música Profesional, que está a rebulir de actividade cunha nova Audición de Fin de Curso, esta vez a cargo dos alumnos de 4º de Grao Elemental e 1º e 2º de Grao Profesional.

 

Enmarcada na programación do Xuño da Cultura e as Artes, esta acción contou coa participación de 20 alumnos que fixeron resoar no recinto instrumentos como violín, o piano, a gaita ou a guitarra, interpretando obras de J.S. Bach, Schubert, Chopin ou Bela Bartok.

 

Variando de rexistro e como actuación final, tres estudantes do Conservatorio (Rebeca Maceiras, Diana Pérez e Martín Sampedro) interpretaron o tema “Karma Police” de Radiohead.

 

Entre o concorrido público estaba un día máis a concelleira de Educación, Maricarmen Vizcaya, xunto ao director centro, Álvaro López.

Onte:

• Ribeira: o concerto de grao do conservatorio, ateigado de xente

See the full gallery on Posterous

Posted via email from Certo.gl, o xornal dixital de Barbanza e Noia