Cando, en culturagalega.org, para facer esta reportaxe sobre a antoloxía poética 120 anos de poesía na Costa da Morte publicada por Neria, lle pedimos aos seus editores Modesto Fraga e a Miro Villar que nos enviaran algúns dos poemas para distribuilos canda o texto, os editores enviáronnos por e-mail o libro enteiro. Foi abrilo, miralo cun pouco de calma e vírsenos a inspiración. Se esa era a poesía dunha terra concreta, a Costa da Morte, ¿por que non amosar os poemas no seu contexto? ¿Por que non aproveitar as posibilidades de Google Earth para que os lectores puideran entender máis doadamente os textos dos poetas, na súa localización real? Así o fixemos. Etiquetamos todos os poemas con referencias xeográficas concretas que había na antoloxía, tanto explícitas como implícitas (hai un fermoso poema de María Lado que alude ao naufraxio do Casón, e buscamos o lugar do naufraxio), marcándoos no lugar exacto da Costa da Morte á que se referían.
O resultado é unha versión da antoloxía creada especificamente para Google Earth, que debe ser dos primeiros libros de poemas (cando menos eu non coñezo ningún, pero agradezo información) que se adaptan para un Sistema de Información Xeográfica. O resultado mola, mola moito. E non me digan que non é unha idea ben chula para seguir traballando con ela e vincular literatura e territorio. Farémolo.
-->
Veña, o camiño está aberto! Agardamos poetas de Noia e Barbanza pendurados do Google Earth! (Eles non, os seus poemas, non nos poñamos narcisistas)
Posted via web from Posterous de Certo, o xornal virtual de Barbanza e Noia
No hay comentarios:
Publicar un comentario