Ribeira: Semana da Prevención, do 27 ao 29 de abril, no campo da Fieiteira

Na primeira das imaxes, de esquerda a dereita: Mariano Moraes, José Antonio Vidal, Vicente García, Juana Ermitas Crugeiras e Esther Patiño

As xornadas celebraranse no Campo da Fieiteira do 27 ao 29 de abril

Ribeira, 22 de abril.- O Concello presentou unha nova actividade: a Semana da Prevención de Incendios e Outros Riscos, que foi concibida co propósito de que escolares e veciñanza en xeral aprendan a recoñecer e evitar os riscos que se poden encontrar na súa vida cotiá.

Esta nova actividade desenvolverase os días 27, 28 e 29 de abril no Campo Municipal da Fieiteira e constará de dúas actuacións diferenciadas en función do público ás que vai destinatadas: así, unha está dirixida a nenos e nenas de primaria (de 7 a 12 anos) e terá lugar polas mañás (de 10 a 13 horas), incidindo en conceptos vinculados coa autoprotección escolar, mentres que a outra está destinada á veciñanza en xeral, celebrarase polas tardes (de 16 a 18 horas) e versará sobre a prevención no fogar.

O tenente de alcalde e concelleiro de Educación, Vicente García e as edís municipais de Asuntos Sociais e Educación, Esther Patiño e Juana Ermitas foron os encargados de presentar a actividade, na compaña de José Antonio Vidal e Mariano Moares, membros de SFG (Servizo de Formación Galego), entidade colaboradora na posta en marcha da acción.

O evento contará coa implicación de efectivos da Policía Local, Protección Civil, Bombeiros de Ribeira, así como da Garda Civil de Noia, que a título particular quixeron ser partícipes destas xornadas formativas. Ademais, en cada unha das xornadas contarase presenza de bombeiros de Santiago de Compostela (o día 27) de bombeiros da Coruña (o día 28) e de membros da Axencia Galega de Emerxencias, AXEGA (día 29).

See and download the full gallery on posterous

Posted via email from Certo.es, o xornal virtual de Barbanza e Noia