Ribeira, 17 de xuño de 2010. A Asociación AMICOS abre o prazo de inscrición de alumnos para os cursos de VIVEIRISMO E IMPRESOR DE SERIGRAFIA destinados á formación de persoas con discapacidade intelectual. Estes cursos contan co financiamento da Consellería de Traballo e Benestar e do Fondo Social Europeo. Os requisitos dos alumnos son: 1. Ter discapacidade intelectual. 2.- Ser maior de 16 anosOs cursos terán unha duración de 590 horas e 540 horas, respectivamente e está prevista a súa data de Inicio o luns 28 de xuño. O número de alumnos de cada curso será de 15. Os alumnos do curso terán dereito a unha beca de asistencia ao curso. Para apuntarse ou recibir máis información poden facelo no teléfono da entidade 981 865 716, vía e-mail: asociacion@amicos.org ou na sede de AMICOS na rúa Gándara 33 – Oleiros – Ribeira.
Posted via email from Certo.es, o xornal virtual de Barbanza e Noia
No hay comentarios:
Publicar un comentario