Boiro: 110 presentados ao certame literario "Ramón Martínez López" na súa cuarta edición

Boiro, 11 de maio de 2011. Presentáronse 101 traballos ao certame "Ramón Martínez López", que alcanza este ano a súa cuarta edición. Setenta e oito destes traballos son na modalidade de narrativa e os restantes 23 en poesía. O xurado está formado por Isabel Santos, Antonio Piñeiro, Sabela Hermo e Mª Dolores Olveira. O fallo do xurado será a finais de maio.

Club de lectura: un libro de Zweig

No club de lectura da Biblioteca Municipal de Boiro están nestes momentos a ler o libro “Novela de ajedrez” de Stefan Zweig. O venres 20 de maio ás 23.00 horas comentarase o libro, facendo una sesión especial do club no que se fará unha saída para observación das constelacións celestes. O seguinte libro será “A morte en Venecia” de Thomas Mann, o xoves 2 de xuño ás 19.30 horas  comentarase o libro e verán a película baseada nese libro que dirixiu Luchino Visconti. Con este libro pecha a tempada o club de lectura ata o mes de setembro.

Exposición de instrumentos musicais antigos

 

Este xoves 12 de maio alumnos do colexio Santa Baia visitarán, tamén na casa de cultura "Ramón Martínez López", unha mostra de instrumentos musicais antigos que promove o grupo "Os Menestreis". Os escolares estarán co concelleiro de Cultura actual, Xerardo Piñeiro.

Posted via email from Certo.gl, o xornal dixital de Barbanza e Noia