- Co seu importe só faltan uns 44.000 euros para pagar as dúas obras, que poñerá o Concello
Dodro, 8 de novembro de 2012. O goberno do Concello de Dodro comunica que lle foron concedidas dúas subvencións por parte da Axencia Galega de Desenvolvemento Rural (AGADER) por importe de 120.647 euros. Estas subvencións permitirán acometer dúas obras no Concello de Dodro que suman un total de 164.000 euros. A primeira delas é a pavimentación en pedra da praza pública da Casa da Cultura, cuxo importe total ascende á cantidade de 43.801 euros, e que permitirá unha mellora significativa do entorno.
A segunda das obras e de máis importe corresponde á mellora da escola infantil de Dodro. Dende os últimos anos vense reclamando por parte dos pais e profesionais unha reforma que permita un mellor uso das instalacións, algunhas das cales están inutilizadas polo seu estado. O actual goberno do Concello asumeu dende o primeiro momento esta reforma como unha prioridade, facendo as xestións oportunas que permitiran acometer a obra necesaria. E así, menos dun ano e medio máis tarde, conseguiuse a financiación necesaria para acometer a obra. O importe total ascende a 121.000 euros, e suporá unha mellora significativa das instalacións.
O Concello de Dodro terá que desembolsar 44.000 euros para poder facer esas obras "o cal non resultará nada fácil, pero confiamos en poder obter os recursos necesarios e seguir mellorando os servizos e instalacións públicas, e non perder esta oportunidade para o noso Concello", sinalou a tenente de alcalde, Marisol Boga.
Ademais, acaba de rematarse o asfaltado de varios camiños, unha obra que supuxo unha inversión de 38.000 euros, e que se consideraba moi necesario dado que nos últimos anos as estradas do Concello apenas tiveron mantemento, o cal supuxo un grave deterioro do firme.
Pode que tamén lle interese:
Prioridades da Deputación de @diegocalvo2012: 50.000 euros para pistas de pádel. É o que fai falta para o rural! dicoruna.es/dicoruna-notic…
— Certo (@Certo) November 7, 2012
modo @certoenfurecido COMO SIGAN A SUBVENCIONAR PISTAS DE PÁDEL NO RURAL HABERÁ QUE TROCAR OS CURSOS DE PODAR AS VIÑAS POR EMPUÑAR A RAQUETA
— Certo (@Certo) November 7, 2012
Posted via email from Certo.gl, o xornal dixital de Barbanza e Noia
No hay comentarios:
Publicar un comentario