Barbanza, por Certo: Noia e Muros: o Bng comarcal presentou as emendas aos Orzamentos da Xunta para este ano

14.2.13

Noia e Muros: o Bng comarcal presentou as emendas aos Orzamentos da Xunta para este ano

Entre as partidas que se piden están os 300.000 euros que se reclamaron para o Coliseo Noela no Entroido o pasado luns
Tamén se pide a ampliación do museo das laudas e a restauración do cinema París en Muros
Asemade, piden escolas infantís novas para Noia, Porto do Son e Muros

Laudas gardadas na sacristía de Santa María a Nova por falta de espazo

Noia, 14 de febreiro de 2013. Na rolda de imprensa dada polo BNG este xoves, 14 de febreiro, a sua responsábel comarcal, Ánxela Franco, manifestou que o BNG está preocupado pola situación de desemprego que se dá na comarca de Muros-Noia, a consecuencia da falta de investimentos que xeren emprego por parte das distintas Administracións. Por isto presentou unha serie de emendas que, de ser aprobadas, asegura o Bng, "contribuirían a paliar esta grave situación".

Crítica ao deputado do PP e ex alcalde de Lousame, Santiago Freire

Por outra banda, o Bng criticou "o nulo interese sobre os problemas desta comarca por parte de deputados como o señor Santiago Freire (ex alcalde de Lousame), que nestes orzamentos non fixo nen o máis mínimo esforzo por acadar algún investimento".

A deputada nacionalista polo Bng no Parlamento Galego Ana Pontón deu conta das propostas de emenda presentadas polo BNG e que fan referencia a esta comarca:

PLAN MARISQUEIRO RIA DE MUROS-NOIA………………….700.000€

Desenvolvemento de espazos culturais:

COLISEO NOELA…………………………………………………..300.000€

AMPLIACIÓN MUSEO LAUDAS GREMIAIS……………………100.000€

CINE PARÍS (MUROS)……………………………………………. 200.000€

VARIANTE PORTOSIN (para comezo da obra)………………...300.000€

ESCOLAS INFANTÍS, PTO. DO SON, NOIA E MUROS…….1.500.000€