via flickr.com
Toda a información, por Lansbricae, en http://www.flickr.com/photos/lansbricae/4351462495/in/pool-582112@N22
Posted via web from Posterous de Certo, o xornal virtual de Barbanza e Noia
14.2.10
13.2.10
Curiosidades: cinturón para botellón profesional
via reflectionof.me
O que remata en abrecervexas tamén semella moi útil para estes mesteres... Cóidense! Non beban! (polo menos o noso)
Máis cintos para epatar: http://reflectionof.me/creative-belts
Posted via web from Posterous de Certo, o xornal virtual de Barbanza e Noia
Compártelo
Porto do Son: fallado o Concurso de Declaracións de Amor
O Concurso de Declaracións de Amor convocado polo Clube da Lingua e a Biblioteca xa ten gañadores, que recibiron cadanseu premio durante o festival de Entroido que se celebrou onte no instituto. Presentáronse máis de medio cento de declaracións nas modalidades de texto e de SMS e 2º e 3º da ESO foron os cursos máis activos e os maiores non se animaron nadiña. Quedou deserta a modalidade de Videodeclaracións. Vese que enfrontarse ás cámaras ten un aquel especial (cando menos a algúns porque a outros non tanto) aínda que a algunhas rapazas só lles faltou un pequeno empurrón.
Nos próximos días iremos publicando as mellores declaracións. Comezamos coas gañadoras:
1º PREMIO SMS:
Faim 1 favor nn volvas a chamar, nin mandes sms, borra o meu nº, de verdad o sinto, pro o meu dentista dixom que me alonxara das cousas tan doces coma ti
Kameán (Juan Rodríguez Brión, 2º A)
2º PREMIO TEXTO:
Amor de parvulario
Ódiote, ódiote tanto que non te quero ver.
Ódiote, ódiote tanto que che teño envexa.
Gústasme, gústasme tanto que te temo.
Séguesme gustando, e cada vez máis.
Quérote, quérote tanto, que o daría todo por ti.
O Dedos (Álvaro Fernández Carnota, 3º C)
1º PREMIO TEXTO:
Cando durmía
soñaba un mundo de fantasía,
no que ti me querías, no que eu te quería,
no que ti eras a luz do meu mundo negro,
no que ti eras as miñas ganas de seguir vivindo,
no que ti eras o meu consolo.
Pero cando espertei pensei que seguía soñando, e deime
conta –outra vez- de que ti nin sequera sabías que existía.
453 (José Vidal Ageitos, 2º B)
Parabéns aos premiados...
Aquí a xente do equipo quedou coa mosca detrás da orella co alcume "O dedos" (segundo premio). Cousas nosas!
Posted via web from Posterous de Certo, o xornal virtual de Barbanza e Noia
Compártelo
Dodro: o Entroido está xa en marcha con actividades dos maiores ata o martes 16, o día grande e contacontos o 17
Papada de Antroido celebrada en TraxeitoDodro, 13 de febreiro de 2010. A xente maior de Dodro, que participa nas Aulas de Educación Permanente, xa iniciou a celebración do Entroido. Durante toda a semana nos distintos grupos (Tallós, Traxeito, Bexo e Lestrobe) celebrouse esta festa tradicional compartindo os doces de elaboración propia típicos destas datas.
Doces típicos en Bexo O máis abundante foron as orellas e filloas. A concelleira de Servizos Sociais, Vitoria Rei Mariño, afirmou que "contribuimos así á recuperación e intercambio de receitas e a reforzar as redes veciñais. É un dos obxetivos que tamén cumpren estas actividades permanentes, ademais da estimulación da memoria. Este é o envellecemento activo que facemos en Dodro", e a concelleira móstrase "moi satisfeita de poder facelo posible e da participación da xente maior do concello, que todos os días nos sorprende coas súas aportacións e vitalidade".
Larpeiradas de antroido en Tallós
A próxima semana continuarase noutros grupos, ademais o martes 16 ( festivo local) celébrase a Festa de Entroido na Paxareira a partires das 17,30 horas.
O mércores 17 de febreiro ás 15,30 horas, haberá a actuación do contacontos Celso Sanmartín no centro de día de Dodro. Esta actividade é aberta a toda a xente que queira participar, contribuíndo así a integrar as actividades do centro de día coas propias do concello, e achegar este recurso ó entorno. Deste xeito tamén queren facilitar as relacións das persoas usuarias do centro de día con outras coas que teñen pouco contacto e o coñecemento do funcionamento deste recurso. Aproveitando esta actividade e o aniversario da apertura de portas o Concello agradece o labor das profesionais que aquí traballan para facer esto posible, e o cariño e profesionalidade coa que atenden á xente maior desde fai un ano, apostando entre tod@s pola calidade dos recursos públicos no rural!
O mércores 17 de febreiro ás 15,30 horas, haberá a actuación do contacontos Celso Sanmartín no centro de día de Dodro. Esta actividade é aberta a toda a xente que queira participar, contribuíndo así a integrar as actividades do centro de día coas propias do concello, e achegar este recurso ó entorno. Deste xeito tamén queren facilitar as relacións das persoas usuarias do centro de día con outras coas que teñen pouco contacto e o coñecemento do funcionamento deste recurso. Aproveitando esta actividade e o aniversario da apertura de portas o Concello agradece o labor das profesionais que aquí traballan para facer esto posible, e o cariño e profesionalidade coa que atenden á xente maior desde fai un ano, apostando entre tod@s pola calidade dos recursos públicos no rural!
Entroido en Dodro: programa do martes 17
Posted via email from Posterous de Certo, o xornal virtual de Barbanza e Noia
Compártelo
12.2.10
Faranji: no capítulo doce, etíopes parecidos aos galegos
via certo.es
E que se fan fotos de voda en lugares parecidos aos nosos (cada vez vense máis noivos preto de antas) e tamén xogan ao futbolín, que inventou Alexandre de Fisterra. A viaxe de Xurxo Ayán sempre depara sorpresas e comparanzas orixinais:
http://certo.es/index.php?page=gurange_coma_ti
Posted via web from Posterous de Certo, o xornal virtual de Barbanza e Noia
Compártelo
Cinema: tres boirenses entres @s "Galeg@s Universais" de Lukas Santiago
María Miranda García, María de las Nieves García Cid e Manuel López Souto son tres boirenses que foron entrevistados no contexto do proxecto arqueolóxico dos castros de Neixón nos anos 2006 e 2007 e que agora Lukas Santiago presenta, xunto a outros galegos, no seu novo documental: "Galeg@s Universais. Historias do mar". A estrea será o día 20 de febreiro, ás 20:30 horas, no Teatro Principal de Pontevedra. Un acto organizado pola Asociación Pola Defensa da Ría, coa colaboración da Concellería de Cultura do Concello de Pontevedra.
Un documental que agardamos proxecten tamén en Boiro e Barbanza, e non lle fagan boicot do mesmo xeito que llo están a facer á primeira longametraxe documental da Arqueoloxía galega, de Lukas Santiago, "O'Neixón: historia viva dun castro". Que esta peza sexa vista antes no estranxeiro que onde se rodou debería avergoñar a algún que manexa cartos públicos, pero cando non hai vergoña, ou non se gasta a pouca que se ten, nada hai que facer...
Posted via web from Posterous de Certo, o xornal virtual de Barbanza e Noia
Compártelo
Suscribirse a:
Entradas (Atom)
