Ribeira: o 15 de maio, xornadas divulgativas da enerxía solar no Liceo Marítimo

Reloxio de sol da igrexa de Nebra, en Porto do Son

Ribeira, 8 de abril de 2010. O vindeiro sábado 15 de maio van ter lugar no Liceo Marítimo de Ribeira unhas xornadas divulgativas sobre os usos da enerxía solar. Deste xeito, a Centenaria engádese aos milleiros de lugares en toda Europa que celebrarán o Día Solar Europeo.

As xornadas están organizadas polo propio Liceo Marítimo coa colaboración da Asociación Solar da Industria Técnica de España (Asit) e a Comisión Europea. Nas xornadas haberá personalidades e entidades relacionadas co mundo das enerxías alternativas, así como empresas punteiras en Galicia no aproveitamento, deseño, instalación, mantemento e venda de equipos e sistemas baseados en enerxías renovables.

Placas solares en A Pobra do Caramiñal

As actividades durarán todo o día (sábado 15 de maio) e rematarán cunha charla coloquio nos locais sociais do Liceo Marítimo, sobre as seis da tarde. A entrada é libre e gratuita. Aos asistentes daráselles información e material técnico sobre o emprego deste tipo de enerxías renovables. O principal obxectivo é promocionar a enerxía solar e dala a coñecer á poboación en xeral e ás persoas relacionadas dalgún xeito co sector enerxético en particular.

Páxina web:

http://www.diasolar.es

A actividade de Ribeira pódese atopar en "Galería de eventos", Galicia, día 15 en Ribeira.

Posted via email from Certo.es, o xornal virtual de Barbanza e Noia