Anxo Angueira explicoulles "Pensa Nao" aos camiñantes do roteiro literario
Dodro, 20 de xuño de 2010. A Concellaría de Desenvolvemento Local pola mañá e a concellaría de Cultura e Patrimonio pola tarde completaron un sábado 19 de xuño cheo de actividades en Dodro.
Pola mañá a Concellaría de Desenvolvemento Local que dirixe o nacionalista Guillermo González Baleirón organizou o roteiro literario Pensa Nao, baseado na novela de igual título que discorre por terras de Laíño, do escritor de Manselle Anxo Angueira, que foi quen lle narrou aos asistentes aspectos importantes da novela en relación ao roteiro que se estaba a facer.
O roteiro percorre uns 8 quilómetros e fixérono unhas 30 persoas
Fixeron o percorrido, duns oito quilómetros de lonxitude, unhas trinta persoas, e todas elas recibiron unha camiseta do propio roteiro antes da súa saída.
O roteiro pasa polas carballeiras do Pazo de Hermida
Xa pola tarde celebrouse na localidade de Lestrobe o I Torneo de Xadrez Concello de Dodro, patrocinado pola Concellaría de Cultura e no que colaborou na súa organización o Clube de Xadrez de Padrón. En total participaron trinta e dous xogadores. O torneo celebrouse co sistema suizo de seis rondas.
Participantes no I Trofeo de Xadrez "Concello de Dodro"
Nunha clasificación final moi apretada, o campión foi Manuel Abuín Boullón, con 5,5 puntos, seguido de Antonio Susavila con 5 puntos e por Jesús Rodríguez con 4,5 puntos. A cada un deles foilles entregado un trofeo, e ao resto dos participantes unha medalla, con mención especial para os primeiros tres clasificados das categorías sub-8, sub-10 e sub-14, ademáis do primeiro premio ao máis veterano, ao xogador local e feminino.
O nacionalista Anxo Franco valorou "moi positivamente esta experiencia, xa que era o primeiro torneo de xadrez organizado polo Concello de Dodro e superáronse todas as previsión iniciais de participación".
Posted via email from Certo.es, o xornal virtual de Barbanza e Noia
No hay comentarios:
Publicar un comentario