O de Pedra Pateira foi inaugurado en xaneiro deste ano Ribeira, 2 de agosto de 2010.- Proseguindo co obxectivo do equipo de Goberno municipal de que todas as parroquias do municipio conten con parques biosaudables para maiores, no transcurso deste ano vaise acometer a creación de dous novos parques, que serán instalados en Castiñeiras e Carreira, informou o Concello. Estas dúas actuacións poden ser realizadas a consecuencia da aprobación no pleno do mes de xullo dun crédito extraordinario de 20.000 euros con cargo ao remanente de tesourería derivado da liquidación dos orzamentos do 2009. A intención da Concellería de Igualdade, Acción Social, Maiores e Dependencia de Ribeira que dirixe María Esther Patiño Rey é que estes dous novos parques estean operativos a comezos do outono. O ano pasado foron implantados os primeiros cinco parques biosaudables de que dispón o concello: dous están ubicados en Santa Uxía (un en Pedra Pateira e outro no Paseo de Coroso), un en Palmeira, outro en Aguiño e outro en Corrubedo. Con esta nova actuación, o Executivo pretende seguir avogando polo benestar e da calidade de vida dos máis maiores, a través da instalación dunha serie aparatos específicos que incidan en aspectos como a mellora da flexibilidade, a mobilidade, a psicomotricidade ou a capacidade cardiovascular. Paneis informativos explicarán as formas de emprego e funcións de cada un dos aparatos que se instalen.
Posted via email from Certo.gl, o xornal dixital de Barbanza e Noia
No hay comentarios:
Publicar un comentario