Noia: comezan as obras para recuperar as vellas fábricas da Chaínza

Zona da Chaínza, hai máis ou menos un século

Noia, 15 de outubro de 2010. O alcalde de Noia, Rafael García Guerrero, vén de anunciar o comezo do proxecto "Fábricas da Chaynça" no barrio da Chaínza. A primeira actuación é o acondicionamento do solar mercado, onde se atopa a antiga curtidoría dos Cadarso. As obras consisten no acondicionamento e limpeza do xardíns, a eliminación da envolvente de ladrillo e a consolidación da estrutura de pedra primitiva do pazo e da fábrica. A segunda actuación será a humanización do entorno, a ponte, a fonte, o lavadoiro, a estrada e os camiños.

Este proxecto está financiado polo Grupo de Acción Costeira e o Ministerio de Cultura. A adquisición da parcela de 4.000 metros cadrados edificables, onde se situa a fábrica, foi adquirida polo concello por un valor de 318.000 euros dos que 218.000 foron subvencionados pola Deputación da Coruña. Os autores do proxecto son integrantes do Estudio de Salgado e Liñares, que acaban de ser premiados pola restauración dos muíños e zona de Pedrachán.

Relacionada:

Arquitectura: premiada a restauración de Pedrachán

Posted via email from Certo.gl, o xornal dixital de Barbanza e Noia