Barbanza, por Certo: Rianxo: o venres 12 de novembro, dous regueifeiros; o sábado 13, teatro, e o domingo 14, concerto de Santa Icía

8.11.10

Rianxo: o venres 12 de novembro, dous regueifeiros; o sábado 13, teatro, e o domingo 14, concerto de Santa Icía

Rianxo, 8 de novembro de 2010. O próximo venres, 12 de novembro, terá lugar no Centro Sociocultural-Auditorio de Rianxo ás 20.00 horas a actuación dos regueifeiros Josiño da Teixeira e Pinto de Herbón. A actuación enmárcase dentro do programa Letras Vivas da Consellería de Cultura e Turismo. Para máis información poden consultar a web www.regueifa.org

Ou se queren ver a Pinto de Herbón en acción (de parella con Caruncho, neste caso):

Ou a Josiño da Teixeira (con Benito Lobariñas):

Sábado 13, "A vida de Rosa. Día tras día"

No Auditorio de Rianxo o próximo sábado, día 13 de novembro, ás 20.30 h representarase a obra "A vida de Rosa. Día tras día" a cargo da compañía de teatro profesional Mariclown.

Esta é a historia de Rosa, ben, non exactamente. Digamos que é a historia de todas as Rosas, ou cando menos de dúas Rosas que somos todas as demáis. E decir que Rosas somos todas, aínda que non nos chamemos Rosa. Ouseña que esta é a historia de dúas Rosas distintas e unha soia Rosa verdadeira…
Así comenza este espectáculo, creado por mulleres que queremos rir de nós mesmas…
E rimos moito, das actitudes individuais e sociais dun modo sarcástico e constructivo.
”Día tras Día” é a historia de calquera muller que se ve forzada a vivir según os canones sociais marcados: a familia, o traballo, a casa… cargas pesadas de levar, e por riba diso ¡temos que ser socialmente correctas!.

Elenco:

Sabela Amado Rojo como Rosa.
Kes como Rosa.

Voces en Off: Lino Braxe e Marta Villar.
Técnic@ Son e Iluminación: Narsés Mira García, Carmen Glez. Santos.
Creación e Dirección: Mariclown.
Textos: Mariclown, Lino Braxe e Marta Villar.
Maquillaxe: Mariclown.
Escenografía: Mariclown e Viruta.
Deseño de Luces: Antón Arias Marsal.
Montaxe de Audío: Ezequiel Orol.
Deseño Cartelería: Ideiagráfica.
Producción: Mariclown.

Para máis información poden consultar o blog da compañía de teatro.

Domingo 14, concerto de Santa Icía

O domingo 14 de novembro, ás 20.00 h, terá lugar no auditorio de Rianxo un concerto da Banda da Escola de Música de Rianxo para conmemorar o día de Santa Icía (en castelán Cecilia) que é a patroa dos músicos/as.