Ribeira: a alcaldía insta a Portos a que arranxe as pingueiras na lonxa de Aguiño

Ribeira, 23 de novembro de 2011. Facéndose eco da preocupación expresada pola Confraría de Pescadores e Mariscadores de Aguiño, o alcalde Manuel Ruiz Rivas dirixiuse no día de hoxe ao Ente Público Portos de Galicia para instar a esta institución a que se arranxen con urxencia as filtracións de auga que se están a rexistrar na lonxa da parroquia. 

Estas filtracións agraváronse na noite do luns ao martes a consecuencia dos fortes ventos que estiveron a soprar no litoral do concello e, aínda que se interviu con rapidez a fin de intentar solucionar a incidencia, o certo é que a situación empeorou con respecto ao seu estado anterior e, a día de hoxe, existe risco de que como consecuencia das filtracións se danen equipos informáticos e outros custosos materias aloxados no interior da instalación. 

Situación de emerxencia

Por este motivo, Ruiz Rivas solicitou á entidade autonómica a declaración de situación de emerxencia a fin de que se actúe con rapidez para poñer fin a estes episodios.

Onte, en Rianxo:

• Rianxo: reparado o teito da lonxa

Pode que tamén lle interese:

• Ribeira: actos programados contra a violencia de xénero

 

Posted via email from Certo.gl, o xornal dixital de Barbanza e Noia