Ribeira: este sábado 7, asemblea da Cofradía da Dorna

• Ata este venres 6 de xaneiro continúa aberto o prazo para presentarse a presidir a cofradía máis festeira de Galicia
  

Ribeira, 4 de xaneiro de 2012. Este vindeiro sábado, 7 de Xaneiro de 2012, no local da asociación da Cofradía da Dorna (Baixos do Palco de Pedra) sito no Malecón de Ribeira ás 20:30 horas, terá lugar a Asamblea Xeral Extraordinaria da Asociación Cultural R. e I. Cofradía da Dorna.

Alí trataranse os seguintes puntos da orde do día:

1. Lectura das Candidaturas presentadas.
2. Votación a man alzada das candidaturas validadas
3. Nomeamento dos cargos da nova directiva.
4. Inicio da lexislatura 2012 e 2013.
   

Tódolos dorneiros e dorneiras acreditados coas contas ao día están convidados a exercer o seu dereito ao voto.

 

Segue aberto o prazo para a presentación de candidaturas a directiva da Cofradía da Dorna ata o Venres 6 de Xaneiro de 2012 ás 23:59, todas as candidaturas deben cumplir os requisitos en prazo e forma de presentación: deben presentarse vía email ao correo oficial da cofradía: real-e-ilustre@cofradiadadorna.com e deben estar compostas no mínimo por Presidente/a, Vicepresidente/a, Secretario/a, Tesoureiro/a e 5 Vocais todos eles socios da R. e I. Cofradía da Dorna coas contas ao día. Só se admitiran candidaturas dentro do prazo anteriormente sinalado.

Certo
O Xornal Dixital de Barbanza e Noia
OLLO!! PÁXINA DE SEAREIROS EN FACEBOOK: http://www.facebook.com/xornalcerto
ÚNETE!!

Posted via email from Certo.gl, o xornal dixital de Barbanza e Noia