Ribeira: acto este sábado 28 en apoio da Iniciativa Lexislativa Popular por unha sanidade pública

• Participarán, lendo un manifesto, dramaturgos como Kiko Cadaval ou escritores como Riveiro Coello e Antonio Piñeiro
  

Ribeira, 26 de abril de 2012. O vindeiro sábado 28 de abril, a Plataforma en Defensa da Sanidade Pública da Barbanza organiza un acto de apoio á Iniciativa Lexislativa Popular para a defensa e promoción da sanidade pública en Galicia.

O acto consistirá nunha xornada informativa na que se explicarán os diferentes puntos desta iniciativa lexislativa. Haberá lectura da ILP enteira ás doce da mañá e ás seis da tarde, a cargo de persoeiros do teatro galego como o ribeirense Quico Cadaval e a actriz Uxía Casal, así como escritores relacionados con esta bisbarra (Riveiro Coello e Antonio Piñeiro). Tamén estarán nesta lectura Suso Laíño, Manolo Cartea e Xoán Pastor. Durante todo o día haberá recollida de sinaturas para levar adiante esta iniciativa, tan necesaria nuns tempos en que os nosos gobernantes turran por desmantelar a sanidade pública.

Localizacións: de 10 a 14 horas, na rúa peonil de Galicia en Ribeira
De 16 a 20, no paseo de Coroso, ao pé do instituto

E se es dorneiro, lembra:

I Asemblea Dorna: este sábado 28 de abril

Tamén lle pode interesar:

Arte: inaugurada "Arte Barbanza 1980" no auditorio

Monólogo: o 5 de maio, Cándido Pazó, no Brétema

Xornada: o Día Solar Europeo, o 19 de maio, no Liceo

Posted via email from Certo.gl, o xornal dixital de Barbanza e Noia