Ribeira: dende este venres 18 de xaneiro, bolardos automáticos na rúa Galicia

• Queda así restrinxido o tramo entre as prazas de Compostela (bar Plaza) e a da Igrexa de Sta Uxía

Bolardos ten uns poucos este tramo de Ribeira

Ribeira, 16 de xaneiro de 2012.- O Concello informa de que este venres día 18 de xaneiro entrarán en funcionamento os dous bolardos automáticos que regulan o acceso a rúa de Galicia, no tramo peonil comprendido entre a praza Otero Goyanes (onde se levanta a igrexa de Santa Uxía) e a praza de Compostela.

Ambos bolardos foron arranxados por unha empresa (Ferdoba S.L.) de forma coincidente á reparación por parte da brigada municipal de obras das lousas de pedras rotas ou desprendidas que se localizaban nesta área.

Nos vindeiros días (e sempre que o bo tempo acompañe) irán activándose tamén os outros bolardos acabados de arranxar: por unha parte, os que se sitúan nos dous extremos do tramo da rúa de Galicia entre o mercado municipal e o cruce con Rosalía de Castro e, por outra, o que se ubica na rúa Santa Uxía. Operarios municipais están ultimando nestes momentos a reparación das lousas deste entorno.

Tamén está prevista a inmediata entrada en servizo do bolardo da rúa Manzanares, unha vez finalicen as obras de canalización de gas que alí se realizan. Cómpre reiterar a necesidade de que vehículos non autorizados se absteñan de circular por vías peonís a fin de non deteriorar o pavimento, sinala o goberno municipal.

Outes: o XI Encontro de Embarcacións Tradicionais terá lugar no Freixo en xullo deste ano post.ly/A7zC4

— Certo (@Certo) January 16, 2013

Natureza: por unha femia de corzo, imputados, por facer desaparecer o lobo do Barbanza, tan campantes. xunta.es/notas-de-prens… #tomacoherencia

— Certo (@Certo) January 16, 2013

Fusións de concellos: proposta de Leandro Regueiro, da Universidade da Coruña. De 315 a 142 de máis de 7000 habitantes. twitter.com/Certo/status/2…

— Certo (@Certo) January 16, 2013

Ribeira: tamén van ben no do envellecemento. 94,3 Fonte @ige_estatistica Xa o do embelecemento urbanístico ten pouco amaño...

— Certo (@Certo) January 16, 2013

Posted via email from Certo.gl, o xornal dixital de Barbanza e Noia