11.1.13

Noia: ata fin de xaneiro para anotarse aos obradoiros de risoterapia de febreiro para mulleres



Noia, 11 de xaneiro de 2013. A Concellería de  Benestar e Igualdade do Concello de Noia, a través do Centro de Información á Muller (CIM), organiza uns obradoiros de “RISOTERAPIA” orientados ás mulleres veciñas da nosa localidade.

Con esta actividade preténdese promover tanto o benestar físico coma o psicolóxico e social das mulleres, dende unha perspectiva integral, educativa e lúdica, que proporcione espazos de participación e favorezan a dinamización comunitaria.

Todas aquelas mulleres que desexen participar, podrán inscribirse no Centro de Información as Mulleres do Concello de Noia ata o 31 de xaneiro do 2013; edificio de  Servizos Sociais, sito na rúa do Curro nº2 , 1º andar.

Os obradoiros son de carácter gratuíto e a súa realización terá lugar a mediados do vindeiro mes de febreiro (data por definir). Estarán formados por seis talleres cunha duración de hora e media  cada un de eles.




Posted via email from Certo.gl, o xornal dixital de Barbanza e Noia

escribiu Unknown ás 16:35:00 0 falaron

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

Noia: ata fin de xaneiro para anotarse aos obradoiros de risoterapia de febreiro para mulleres



Noia, 11 de xaneiro de 2013. A Concellería de  Benestar e Igualdade do Concello de Noia, a través do Centro de Información á Muller (CIM), organiza uns obradoiros de “RISOTERAPIA” orientados ás mulleres veciñas da nosa localidade.

Con esta actividade preténdese promover tanto o benestar físico coma o psicolóxico e social das mulleres, dende unha perspectiva integral, educativa e lúdica, que proporcione espazos de participación e favorezan a dinamización comunitaria.

Todas aquelas mulleres que desexen participar, podrán inscribirse no Centro de Información as Mulleres do Concello de Noia ata o 31 de xaneiro do 2013; edificio de  Servizos Sociais, sito na rúa do Curro nº2 , 1º andar.

Os obradoiros son de carácter gratuíto e a súa realización terá lugar a mediados do vindeiro mes de febreiro (data por definir). Estarán formados por seis talleres cunha duración de hora e media  cada un de eles.




Posted via email from Certo.gl, o xornal dixital de Barbanza e Noia

escribiu Unknown ás 16:34:00 0 falaron

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

10.1.13

Noia: este domingo 13, no Liceo, "En Cabárceno se oye cantar"

Cartel-teatro

Noia, 10 de xaneiro de 2013. Este domingo 13 de xaneiro ás 18:00 horas terá lugar a presentación das cancións e coreografías do novo traballo de Susa Herrera, "En Cabárceno se oye cantar". Para nenos maiores de 6 anos, acompañados por un adulto, e todo aquel interesado en asistir a este espectáculo familiar.

Que é Cabárceno?


Un pobo de Cantabria, do municipio de Penagos, a 20 quilómetros de Santander, famoso por acubillar un enorme parque da natureza, con moitas especies impropias de climas europeos.


Posted via email from Certo.gl, o xornal dixital de Barbanza e Noia

escribiu Unknown ás 22:01:00 0 falaron

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

Noia: xa se pode ver o acueduto medieval musealizado na embocadura da rúa Rodríguez Cadarso

Media_httpfarm9static_rwutt

Media_httpfarm9static_wpbur

Media_httpfarm9static_yidur

  • O acueduto apareceu nas obras de reurbanización das rúas Porta da Vila e Carreiriña de Escultor Ferreiro en 2010

 

Media_httpfarm9static_ugmei

Media_httpfarm9static_acbjj

Media_httpfarm8static_wzpco

Así estaba almacenado o acueduto antes da musealización

  • O traballo de musealización foi autorizado pola Dirección Xeral de Patrimonio Cultural
  • A exposición pública destes restos será permanente na embocadura da rúa Rodríguez Cadarso, esquina Porta da Vila. Os tramos do acueduto, que miden un metro de longo por peza, van colocados sobre soportes de aceiro que á súa vez están ancorados sobre o pavimento da rúa, arrimados aos muros existentes. A totalidade do tramo exposto suma oito metros. 
  • A información escrita colócase sobre dúas das prismas cuadrangulares que compoñen a totalidade da tubaxe. A instalación conta cun sistema de iluminación indirecta que se proxectará sobre os paramentos dos muros existentes, para o cal foi preciso o seu enfoscado e acabado en cor branca. 
  • Con esta actuación, a Concellería de Casco Histórico e Patrimonio, que dirixe o nacionalista Bieito González, pretende materializar a idea primordial de incorporar as pezas individualizadas da canle extraída, de tal maneira que fiquen expostas á cidadanía onde se pensa que o acueducto penetraba na cidade intramuros e abastecía de auga a todas as fontes públicas das que logo se servía a veciñanza. 

Tamén, en Certo:

 

 

Posted via email from Certo.gl, o xornal dixital de Barbanza e Noia

escribiu Unknown ás 18:55:00 0 falaron
etiquetas , ,

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

Mar: o Bng pide axudas para o sector marisqueiro polos recentes danos das choivas

  • O Bng sinala a masiva mortandade de berberecho na ría de Arousa nesta tempada de marisqueo como un dos motivos para estas axudas


Barbanza-Noia, 10 de xaneiro de 2013.- A deputada do BNG, Montse Prado, vén de instar ao goberno da Xunta a que articule medidas para paliar os danos ocasionados polas últimas choivas no sector marisqueiro, entre outros nos bancos de Arcade, inda que tamén está afectada de xeito importante a ría de Arousa e a de Muros e Noia. Nesta última, a escaseza de berberecho e ameixa é tal que a confraría noiesa decidiu suspender a campaña marisqueira de extracción ata o 11 de febreiro. 

Prado rexistrou unha batería de iniciativas alertando dos danos sofridos no sector e do impacto económico que vai ter sobre o mesmo, de ahí a necesidade de articular axudas canto antes e outras medidas “que eviten maiores prexuízos a un colectivo que xa se atopa nunha situación difícil”.

Neste sentido, a deputada do BNG explica que este impacto económico é obxectivo, porque o actual contexto é de prezos moi baixos en primeira venda, unha masiva mortandade de berberecho na ría de Arousa, a prohibición de extracción de reló e a posibilidade real de desaparición da cría, entre outros factores.

“E este escenario coincidiu –engade a parlamentar- co pico de nadal, un momento comercial no que se esperaban uns ingresos que podían paliar en certo sentido o panorama estructural descrito”. 

Avaliou a Xunta os danos? Tivo en conta a apertura de comportas de encoros?

Montse Prado quer saber, en consecuencia, que avaliación fai na Consellería dos danos das últimas choivas, cales son os bancos máis afectados e se esta situación vai afectar a campañas vindeiras.

Asemade, a deputada pregunta que control, en colaboración coas entidades do sector marisqueiro, se establece nos casos de apertura de comportas de encoros, que nalgúns casos, pola súa falla de planificación, contribuiron á diminución da salinididade nas rías pola achega de auga doce. 






POC_danos choiva_sector marisqueiro.pdf Download this file

PRE_danos_Choiva_marisco.pdf Download this file

PRE_danos_marisqueiro_Arcade.pdf Download this file

Posted via email from Certo.gl, o xornal dixital de Barbanza e Noia

escribiu Unknown ás 15:06:00 0 falaron

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

Ribeira: a Semana cultural de Aguiño será en memoria de Mariscal o 18 e 19 de xaneiro

Ribeira, 9 de decembro de 2013.- A oitava edición da Semana Cultural Francisco Lorenzo Mariño xirará en torno ao añorado José Manuel Pérez Sampedro, “Mariscal”, quen será nomeado socio de honra a título póstumo como recoñecemento á súa estreita colaboración con cantas actividades emprendeu a asociación que leva o nome do que fora párroco de Aguiño. Así o deu a coñecer Unai González, presidente da entidade, durante a presentación dun evento que conta coa colaboración do Concello de Riveira, representado hoxe pola súa concelleira delegada de Cultura, Elvira Pisos (tamén estivo a secretaria da Asociación Francisco Lorenzo, Pilar Millet).

Unai González informou que a xunta directiva, reunida en sesión extraordinaria o pasado decembro, decidiu por unanimidade nomear a “Mariscal” socio de honra a título póstumo en base a uns méritos dos que se darán conta nas propias xornadas, pero que son sobradamente coñecidos: entre os mesmos, o de crear a páxina web de Aguiño (www.aguiño.com) e o documental sobre os 50 anos da parroquia.

Os actos celebraranse durante os días venres 18 e sábado 19 de xaneiro. No primeiro día e tras a inauguración do alcalde Manuel Ruiz (ademais do himno galego con música de gaitas de A Gandaina), desenvolverase unha xornada titulada “José Manuel Pérez Sampedro, “Mariscal”, In Memoriam”, que contará coa participación de Jorge Pérez Sampedro en representación da familia, Luis Aparicio Ramírez en representación dos amigos, Segundo Durán Guillán, polos compañeiros do Concello; Alberte Villaverde Fernández, polo Atlético Riveira; e Silverio Sobrido Álvarez, da Peña Madridista Amancio.

Acto seguido entregarase un diploma conmemorativo e un agasallo institucional de socio de honra aos pais do homenaxeado, para proxectar a continuación un documental no que se recollerán algúns dos momentos máis significativos da vida de Pérez Sampedro.

Todos estes actos terán lugar a partir das 20.30 horas na Casa do Mar de Aguiño.

Ofrenda floral

En canto á programación do sábado, comezará  ás 17.30 horas cunha ofrenda floral e lectura de manifesto no Cemiterio de Porto do Son, lugar onde está enterrado Francisco Lorenzo. Acompañará o Grupo de Gaitas A Gandaina de Palmeira.

Ás 20 horas terá lugar na Igrexa de Aguiño a misa do noveno aniversario do deceso de “Don Paco” que será oficiada polo actual párroco David Mohedano.

E ás 20.45 horas, a Casa do Mar de Aguiño será escenario da actuación e monólogo cómico de Isabel Risco (coñecida pola súa participación en programas como Tourilandia ou Luar, ademais de infinidade de series de TVG) que porá en escena o seu espectáculo “Nabiza Girl”. Todas estas actividades son gratuítas e de entrada libre.

Posted via email from Certo.gl, o xornal dixital de Barbanza e Noia

escribiu Unknown ás 4:44:00 0 falaron

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

8.1.13

Dodro: este xoves, 10 de xaneiro, charla sobre reciclaxe e recollida selectiva de lixo

Dodro_charla_reciclaxe
Antes, en Dodro:

 

Posted via email from Certo.gl, o xornal dixital de Barbanza e Noia

escribiu Unknown ás 21:02:00 0 falaron

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

Política: Caamaño denuncia que a Xunta somete a "severa marxinación orzamentaria" á comarca do Barbanza

Media_httpfarm5static_saxii
 


  • Os socialistas afirman que os Orzamentos de 2013 “non favorecen o desenvolvemento económico”, son “incompatibles coa xeración de emprego na comarca”, e esquecen importantes infraestruturas pendentes na zona
  • Caamaño considera que, con estes orzamentos, “semella que os cidadáns do Barbanza non existen para a Xunta de Galicia”
 
 
Barbanza, 8 de xaneiro de 2013. O secretario provincial do PSdeG-PSOE e deputado no Parlamento de Galicia, Francisco Caamaño, denunciou hoxe a “severa marxinación orzamentaria” á que a Xunta somete á comarca do Barbanza.
 
Segundo explicou o deputado socialista, o goberno de Feijóo destinará este ano só uns 14 millóns de euros para investimentos na totalidade dos concellos que conforman as comarcas de Barbanza e Muros-Noia, dos que a metade se destinarán a financiar as obras da estrada AC-550 (conexión Taramancos-Noia) que, segundo as previsións da propia Xunta debería ascender a 13 millóns de euros neste exercicio, “polo que previsiblemente se incumprirán os prazos de execución establecidos”, afirmou Caamaño, que considerou que “fóra desta estrada e das EDAR de Corrubedo (Ribeira) e Porto do Son, semella que os cidadáns do Barbanza non existen para a Xunta de Galicia”.
 
Francisco Caamaño afirmou que nos Presupostos de 2013 “non hai unha soa achega de recursos públicos para favorecer o desenvolvemento económico  ou financiar programas como os das Áreas de Rehabilitación Integral de vivendas que axudarían a manter o emprego e a fixar a poboación” nin se contemplan partidas destinadas á mellora de servizos públicos esenciais.
 
Neste sentido, lembrou que “compromisos expresamente asumidos polo goberno de Núñez Feijóo con esta comarca como a escola infantil de Esteiro (Muros) ou a de Ribeira non figuran nas contas do 2013”, nas que tampouco aparecen partidas para a necesaria mellora de diversos centros de saúde da zona.
 
Os socialistas denunciaron tamén outras “notorias ausencias” nos orzamentos da Xunta para a comarca como a ampliación da EDAR e o centro de día de Rianxo, ou as obras da lonxa e o emisario de Ribeira,  que quedan tamén sen consignación presupostaria en 2013.
  
Incompatibles coa xeración de emprego
 
Así, segundo Francisco Caamaño, os orzamentos para o ano 2013 son, baixo o pretexto da austeridade, “radicalmente incompatibles coa xeneración de emprego e o crecemento, e non só resultan discriminatorios para provincia da Coruña, cun un 43% menos en relación cos do pasado ano, senón que ademais marxinan especialmente aos concellos desta ampla área xeográfica”.
 
“Cando máis falla fai unha rede pública de apoio aos cidadáns e de estímulos ao crecemento e ao emprego, a Xunta presenta uns presupostos de mínimos que marxinan a unha parte fundamental da provincia da Coruña e que descoñecen que a defensa do medio ambiente, a cultura, os servizos de atención aos maiores e as persoas con discapacidade, a educación ou a sanidade, ademáis de axudar a todos, contribúen á creación de riqueza e emprego”, afirmou Caamaño, que considerou que son uns orzamentos “socialmente insolventes” e “profundamente insolidarios cos veciños do Barbanza”.


Posted via email from Certo.gl, o xornal dixital de Barbanza e Noia

escribiu Unknown ás 19:25:00 0 falaron

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

Poesía: Vilagarcía acubilla este venres, 11 de xaneiro, o seguinte torneo poético Slam Arousa

Slam

  • Na cervexaría Gäel, dende as 22:00 horas

Barbanza, 8 de xaneiro de 2013. O torneo de recitado poético Slam Arousa prosegue a súa andaina. De Taragoña (Rianxo), a Ribeira, e de alí a Boiro para cruzar desta vez a ría de Arousa e facer parada en Vilagarcía este venres, 11 de xaneiro, na Cervecería Gäel, onde todos os participantes recibirán un pequeno agasallo por conta do local. Slam Arousa busca en Vilagarcía novos poetas, novos públicos e un novo finalista que se sume a Pedro Campos, Ramón Blanco e Celia Parra para competir, en marzo, na Illa de Arousa. O gañador desta finalísima, viaxará subvencionado a Madrid para participar no Poetry Slam estatal no que recitan versos todos os gañadores dos slams espallados por toda a xeografía española. Esta final estatal, será, seguramente, no mes de abril.

O torneo está a ser organizado e presentado pola actriz e dramaturga, actual directora do grupo de teatro Airiños,  Esther F. Carrodeguas, que leva adiante esta iniciativa itinerante por toda a ría de Arousa. É unha acción cultural que pretende espallar a poesía e a creatividade local e dar a conocer a poetas da zona, e a partir da cal, por exemplo, xurdiron proxectos como a colaboración de Carrodeguas con Ramón Blanco na presentación este mesmo xoves de Emily on the Road, de Ramón Blanco na EOI de Vilagacía.

Sobre o fenómeno slam en Galicia xa se fixo eco incluso o portal do Consello da Cultura Galega en http://www.culturagalega.org/noticia.php?id=21856

Curricula dos anteriores finalistas

Pedro Campos: a pesar da súa curta idade, xa tivo tempo de gañar nos anos 2011 e 1012 o certame literario da súa vila, o Ramón Martínez López, e quedou tamén en segunda posición no certame Xela Arias (A Guarda). Polo de agora, publicou o poemario Hipóteses, teoremas, drogas, estados de ánimo e outros remedios naturais para combater a tose" polo IES Praia Barraña, e en La Voz de Galicia o relato "Cando les un destes libros" (http://www.lavozdegalicia.es/barbanza/2011/12/16/0003_201112B16C9993.htm), co que fixo tamén a curta ()
---

Ramón Blanco naceu en 1979. Criouse en Cando (Outes) e alí vive. Aos dezaoito anos uniuse ao Colectivo Literario Sacou, de Noia, co que participa en diversos proxectos artísticos e culturais. Publicou os primeiros poemas nas revistas A Caramuxa (voceiro de Sacou) e Casa da Gramática (do IES Virxe do Mar, onde estudara). No 2005 apareceu o seu primeiro libro individual, Orfeu en soños, na editorial Toxosoutos. Vén de publicar o seu novo traballo poético: Emily on the road, en Acha Escrava editora, co que agora mesmo está de xira-presentacion pola comarca e fora dela (Este mesmo xoves en Vilagarcía). Mantén o blogue www.aoutrabanda.blogspot.com.
---
Celia Parra naceu en Ourense, no ano 90 e é Licenciada en Comunicación Audiovisual. Merecedora dos premios Ánxel Casal, 3º premio Minerva en dúas edicións, 3º premio Xuventude Crea de poesía, Premio María Mariño, Premio Avelina Valladares, do cal se publicou o seu primeiro poemario: No berce das mareas. Participou en varios recitais colectivos ("A porta verde do sétimo andar", jam session dos "Picaversos", co colectivo Salsipuedes de Pamplona ó que pertenze...). Escribe e fai audiopoemas e videopoemas publicados no seu blog: abroparentese.blogspot.com. Colabora como "opinadora" no portal Letra en Obras.
Xa está tamén editado o seu primeiro CD con audiopoemas, a maioría están sacados de "Código Morse", o seu 2º poemario. Trátase de recitado con bases musicais que ela mesma compón e mestura. O CD, de título Re(c)Verso, estará na rede, na plataforma brandcamp para a súa libre descarga,. Este mesmo Celia fará unha presentación do mesmo en Santiago de Compostela.

Relacionada:



Posted via email from Certo.gl, o xornal dixital de Barbanza e Noia

escribiu Unknown ás 11:50:00 0 falaron

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

A Pobra: o Psoe pide que se repoña a cabina de taxis dos xardíns Valle Inclán ante o deterioro da actual

Sam_0023


A Pobra, 8 de xaneiro de 2013. O grupo socialista pobrense vén de presentar no Concello unha moción na que se solicita que se poña unha cabina nova para os taxistas nos xardíns Valle Inclán, xa que a actual, como se intúe na imaxe, está totalmente deteriorada.

Moción completa

Mª Teresa García Guillán, concelleira do PSdeG-PSOE da Pobra do Caramiñal, integrada no Grupo Mixto, ao abeiro do disposto no art. 97.3 do R.O.F., para o seu debate na vindeira sesión plenaria, presenta ó Pleno unha moción solicitando  o cambio da cabina dos taxistas.

EXPOSICIÓN DE MOTIVOS

Transformar radicalmente a imaxe da cabina de teléfono da parada de taxis situada nos Xardíns Valle Inclán, é imprescindible xa que está totalmente deteriorada e está afectando ás condicións de traballo dos profesionais e dos usuarios cando requiren do servizo.

A cabina ten humidades por todos os lados afectándolle incluso a electrónica do teléfono polo que moitas veces este deixa de funcionar. O cristal está roto, a bisagra da porta descolgada e ata lle rouban o teléfono con frecuencia, cunha media de dous teléfonos por ano subtraídos.

Modernizar esta instalación é prioritario, contando ca aprobación dos profesionais do taxi, para mellorar de forma notable o seu traballo, o que repercutirá nun mellor servizo para todos os usuarios.

En tempos difíciles, como os actuais, non debería ofrecer dúbida a mellora das condicións de traballo do gremio de taxistas. Noutros pobos limítrofes xa acometeron estas melloras, por exemplo, en Ribeira contan con unha cabina modesta en cambio en Noia teñen unha cabina en condicións óptimas.

Por todo iso, este grupo que represento solicita a adopción dos seguintes

ACORDOS:

Que o goberno do municipal substituía a cabina dos taxistas para que poidan desenrolar o seu traballo en condicións dignas e que a cabina se integre no entorno no que está ubicada.

A Pobra do Caramiñal, 07 de xaneiro de 2013



Posted via email from Certo.gl, o xornal dixital de Barbanza e Noia

escribiu Unknown ás 11:32:00 0 falaron

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks
Suscribirse a: Entradas (Atom)

Twitter

Related Posts with Thumbnails Banner: Regale selva tropical