Lingua galega: Bng e Compromiso por Galicia saen na defensa de Farinós, denunciado polo asesor xurídico do Concello

• O nacionalista Xosé Ramón Farinós López criticara que o traballador municipal obrigara aos veciños que atende a que se expresaran en castelán, argüindo que non entende o galego
• O Bng considera estes feitos un "ataque e desprezo á lingua e cultura propias de Galicia nunha campaña orquestrada polo españolismo máis reaccionario"
• Compromiso por Galicia considera que o asesor xurídico "non está en situación de demandar a ninguén porque a súa situación no Concello é ilegal, xa que dende o mes de xuño de 2012 cobra 2571 euros sen ter un contrato asinado"

Muros, 8 de abril de 2013. A Asemblea Comarcal de Muros-Noia, na xunta celebrada o pasado venres, logo de proceder á renovación do Consello Comarcal, acordou a aprobación dunha resolución de apoio ao militante de Muros, Xosé Ramón Farinós López, denunciado polo asesor xurídico do Concello, ao ter criticado o primeiro o feito de que o traballador municipal obrigue aos veciños que atende a que se expresen en castelán, xa que di no entender “el gallego”.

Para o BNG, a actitude deste traballador municipal vén afondar na campaña orquestrada nos últimos anos polo españolismo máis reaccionario embarcado nunha especie de “nova reconquista”, que busca en última instancia a eliminación da lingua e cultura propias do noso país, en beneficio do español.
Instamos á Alcaldesa de Muros, ao cumprimento da ordenanza municipal do uso do galego, hoxe en vigor, e lémbrelle aos traballadores locais a necesidade do seu cumprimento, tanto na atención aos veciños,  como na elaboración de todo tipo de expedientes municipais.

Compromiso Por Galicia

María Xosé Afonso

Compromiso Por Galicia mostra o seu  apoio a Xosé Ramón Farinós. María Xose Alfonso crítica a acción xudicial levada a cabo polo Asesor Xurídico do Concello de Muros a Xosé Ramón Farinós, convencida que esta persoa "non esta en situación de demandar a ninguén e que o veciño de Muros só se limitou a opinar sobre unha actuación cando menos criticable". Alfonso considera que non se encontra en situación de demandar a ninguén pois a súa propia situación no Concello "é ilegal, posto que leva dende o mes de xuño do ano 2012 cobrando 2571,25€ sen contar nen tan sequera cun contrato asinado". María Xosé defendeu que Xosé Ramón Farinós só se limititou a expresar a súa
opinión ante un claro incumprimento por parte do Asesor Xurídico do  Regulamento do uso da lingua galega no Concello de Muros, ao obrigar, de xeito dictatorial, a veciños de Muros a que falaran en castelán. Dende Compromiso Por Galicia, instan a Caridad González "a que faga valer o
regulamento e, polo tanto, tome as medidas oportunas con este señor, que lonxe de resolver os problemas dos muradáns se esta convertendo nun problema para eles".

Posted via email from Certo.gl, o xornal dixital de Barbanza e Noia

Ribeira: o escritor Antón Riveiro Coello abreu os Xoves Literarios de abril

Os Xoves Literarios que organiza o Concello de Riveira a través da súa Área de Educación deron comezo na tarde de onte cunha conferencia de altura a cargo de Antonio Riveiro Coello: prestixioso escritor nacido en Xinzo de Limia no ano 1964, pero que ten en Barbanza “o seu país de adopción”, segundo aseverou durante a charla pronunciada ante unha trintena de atentos oíntes na Biblioteca Municipal.

O título da ponencia, “As razóns da escrita. Un país sen límites”, na que Riveiro Coello desgranou os motivos que o levaron á creación literaria, nunha disertación salpimentada con numerosas anécdotas e vivencias.

Vocación musical

Así, Riveiro Coello lembrou que naceu nunha casa na que non había libros (“o único libro que había alí eran as instrucións da máquinas Singer da miña nai”) e que un dos motivos que lle influenciou  foi a gran capacidade do seu avó para narrar historias. Tamén explicou se ben parecía que os seus derroteiros artísticos parecían ir pola música (demostraba grandes actitudes coa guitarra tras recibir clases dun mestre andaluz na súa terra natal e incluso chegou a tocar nun grupo local) finalmente as circunstancias fixeron que se orientase á literatura: un feito no que resultou crucial as cartas que lle escribía á súa moza.

Ao longo da conferencia, Riveiro Coello verqueu moitas das súas opinións en torno ao mundo dos escritores e a literatura. Así, expresou a súa certeza de que os escritores escriben libros para chamar atención (“incluso aqueles que pacemos máis tímidos, máis introvertidos, temos a necesidade de sermos, de proclamar a nosa existencia”), que a literatura é unha mentira asumida por todos e que é tamén un acto de rebeldía (“todo o que escribe o fai contra algo, ás veces contra un mesmo").

Antón Riveiro tamén explicou que unha das razóns polas que el escribe é por non ser muller.  "Ter un fillo é o acto de creación máis fabuloso que lle pode acontecer unha persoa e eu non teño esa posibilidade”, subliñou, ao tempo que opinou que  existe un parecido entre a escrita e o embarazo e a xestación.

Ao igual que outros autores como Carlos Casares, Bryce Echenique ou García Márquez, Antón Riveiro tamén escribe para gustar (“máis que para seducir, porque en gustar hai algo espontáneo e en seducir hai algo forzado”) e sempre pensando en persoas concretas, fundamentalmente en dúas: a súa muller (que representa ao lector máis amplo, máis sensorial) e o seu editor (que representa ao lector máis culto, máis esixente).

A ponencia aínda daría pé  a outras interesantes manifestacións da vida literaria de Riveiro Coello, como que lle gusta xogar con persoas imaxinarias, que lle gusta converter en materia estética a realidade cotiá ata “habitar espazos inventados” e que ten o propósito consciente de “inventar unha linguaxe propia”, algo que o identifique e deixar constancia da súa pegada.

Tras cincuenta minutos de amena disertación, a charla concluíu co aplauso unánime do público congregado e co inicio dun distendido coloquio do autor e asistentes, non sen que antes a concelleira de Educación, Mª Carmen Vizcaya, tivera palabras de eloxio e agradecemento ao autor protagonista. A charla fora introducida pola responsable do Servizo Municipal de Normalización Lingüística, Alicia Padín.

O vindeiro xoves, 11 de abril, ás 20 horas, terá lugar a segunda conferencia dos Xoves Literarios, titulada “O teatro galego: circunstancias e antecedentes”, por Francisco Godón Davila.

Datos biográficos de Antón Riveiro Coello. Naceu en Xinzo de Limia en 1964. Cursou estudos de Dereito na Universidade de Santiago e actualmente é funcionario da Administración Autonómica. A súa obra, traducida a varios idiomas, ten sido galardoada con diversos premios entre os que salienta o Premio da Crítica Española, o premio de Narrativa da Asociación de Escritores en Lingua Galega, o Álvaro Cunqueiro de Narrativa, o Manuel García Barros de Novela, o Torrente Ballester de Narrativa (finalista), o Camilo José Cela de Narrativa, o Manuel Murguía, o Modesto R. Figueiredo, o Café Dublín, o Castelao de Narrativa, o Ourense de Contos, o Breogán de Contos, etc. Ademais de participar en medio cento de colectivas, é autor dos seguintes libros: Valquiria, (Ed.Novo Século.1994), Parque Central e outros relatos (Ed. Espiral Maior 1996), A historia de Chicho Antela (Espiral Maior,1997), A quinta de Saler (Galaxia, 1999), Animalia (Galaxia, 1999), As rulas de Bakunin (Galaxia, 2000), Homónima (Galaxia, 2001), Cartafol do Barbanza (A Nosa Terra, 2002), A canción de Sálvora (A Nosa Terra, 2003), A esfinxe de amaranto (Galaxia, 2003), Limaiaé (Centro de Cultura Popular do Limia, 2005), Casas Baratas (Galaxia, 2005), A voz do lago (Galaxia, 2007), Os ollos de K (Galaxia 2007), As pantasmas de auga (Bourel, 2010), O paso do esquecemento (Centro de Cultura Popular do Limia, 2011) e Laura no deserto (Galaxia, 2011).

Posted via email from Certo.gl, o xornal dixital de Barbanza e Noia

Mar: o PP vota en contra de suprimir o requisito que obriga ás mariscasdoras a pé a vixiar bancos marisqueiros para renovar o permex

• A nacionalista Montse Prado reclamou  “derrogar os artigos” que obrigan ás mariscadoras a pé a realizar  servizos  que poñen en perigo a súa integridade física e dos que está exento o marisqueo a flote
• O maior conflito en Cabo de Cruz está motivado por esta inxusta disposición
  

Montse Prado

Barbanza-Noia, 4 de abril de 2013. A deputada  do BNG Montse Prado defendeu hoxe, na comisión de pesca celebrada no Parlamento galego, unha proposición non de lei para “derrogar os artigos que  establecen como requisito obrigatorio, para poder renovar o Permiso de Explotación (PERMEX), realizar labores de “control, protección e vixiancia dos bancos marisqueiros”.

O PP votou en contra da iniciativa nacionalista

Na defensa da proposición non de lei, a parlamentaria do BNG afirmou que con esta normativa, a Consellaría establece unha “clara e aberta marxinación” das mariscadoras a pé e fai “deixación” das súas competencias exclusivas en materia de vixilancia.

Prado salientou que o requisito obrigatorio para renovar o Permex afecta a varios miles de persoas  dedicadas ao marisqueo , das que máis do 90% son mulleres que se enfrontarán a situacións de “persecución, retención, identificación d@as furtivos, retirada do marisco extraído e  actuacións para as que as mariscadoras non están autorizadas nin contan coa preparación e cualificación necesaria”.

Estas funcións, entrañan grande perigosidade, pero esta, é unha cuestión, dixo,  que “non parece preocupar a Consellería de Pesca”. A deputada tamén criticou o criterio economicista da consellería de Pesca que  elixe implantar  unha medida que lle resulta máis “barata” aínda que  en contrapartida  ás mariscadoras deban  “realizar un labor que pode mesmo conlevar risco para a súa integridade física”.

Unha medida, engadiu  que é “discriminatoria, supón un abuso, un castigo e unha penalización para as mariscadoras”. Un castigo que as obriga a permanecer na praia máis horas facendo unha actividade para a que non están preparadas nin autorizadas.

A deputada nacionalista resaltou  que o marisqueo é unha actividade feminizada á que agora  se lle esixe tamén dar solución a un problema que é competencia por lei  da propia consellería. Neste sentido, engadiu que estamos ante outra “discriminación de xénero” dun  colectivo que agora deberá cargar, a maiores, cunha responsabilidade que non lle compete.

Baixo a “coacción” de cumprir o requisito de labores de vixilancia para renovar o PERMEX, este colectivo resulta unha vez máis “castigado” pola Consellería de Pesca.

A parlamentaria nacionalista lamentou o voto en contra do PP e afirmou que esta medida incidirá moi negativamente na situación actual das mariscadoras que perciben un salario por debaixo do “60 por centro do salario mínimo  interprofesional”.

CABO DE CRUZ

Conflitos como o que se está a vivir a Agrupación de Mariscadoras de Cabo de Cruz (Boiro) son consecuencia directa desta obrigatoriedade: mariscadoras  que defenden a súa profesionalidade para extraer marisco, para efectuar limpezas, sementar... para mellorar a calidade e cantidade da produción pero non para ser vixiantes e loitar contra o furtivismo. Vixiancias ás que se opoñen xa que non foron aprobadas pola Asemblea Xeral da Agrupación de Mariscadoras de Cabo de Cruz, requisito necesario para incluírse no Plan de Explotación, concluíu.

Posted via email from Certo.gl, o xornal dixital de Barbanza e Noia

Mar: o PP vota en contra de suprimir o requisito que obriga ás mariscasdoras a pé a vixiar bancos marisqueiros para renovar o permex

• A nacionalista Montse Prado reclamou  “derrogar os artigos” que obrigan ás mariscadoras a pé a realizar  servizos  que poñen en perigo a súa integridade física e dos que está exento o marisqueo a flote
• O maior conflito en Cabo de Cruz está motivado por esta inxusta disposición
  

Montse Prado

Barbanza-Noia, 4 de abril de 2013. A deputada  do BNG Montse Prado defendeu hoxe, na comisión de pesca celebrada no Parlamento galego, unha proposición non de lei para “derrogar os artigos que  establecen como requisito obrigatorio, para poder renovar o Permiso de Explotación (PERMEX), realizar labores de “control, protección e vixiancia dos bancos marisqueiros”.

O PP votou en contra da iniciativa nacionalista

Na defensa da proposición non de lei, a parlamentaria do BNG afirmou que con esta normativa, a Consellaría establece unha “clara e aberta marxinación” das mariscadoras a pé e fai “deixación” das súas competencias exclusivas en materia de vixilancia.

Prado salientou que o requisito obrigatorio para renovar o Permex afecta a varios miles de persoas  dedicadas ao marisqueo , das que máis do 90% son mulleres que se enfrontarán a situacións de “persecución, retención, identificación d@as furtivos, retirada do marisco extraído e  actuacións para as que as mariscadoras non están autorizadas nin contan coa preparación e cualificación necesaria”.

Estas funcións, entrañan grande perigosidade, pero esta, é unha cuestión, dixo,  que “non parece preocupar a Consellería de Pesca”. A deputada tamén criticou o criterio economicista da consellería de Pesca que  elixe implantar  unha medida que lle resulta máis “barata” aínda que  en contrapartida  ás mariscadoras deban  “realizar un labor que pode mesmo conlevar risco para a súa integridade física”.

Unha medida, engadiu  que é “discriminatoria, supón un abuso, un castigo e unha penalización para as mariscadoras”. Un castigo que as obriga a permanecer na praia máis horas facendo unha actividade para a que non están preparadas nin autorizadas.

A deputada nacionalista resaltou  que o marisqueo é unha actividade feminizada á que agora  se lle esixe tamén dar solución a un problema que é competencia por lei  da propia consellería. Neste sentido, engadiu que estamos ante outra “discriminación de xénero” dun  colectivo que agora deberá cargar, a maiores, cunha responsabilidade que non lle compete.

Baixo a “coacción” de cumprir o requisito de labores de vixilancia para renovar o PERMEX, este colectivo resulta unha vez máis “castigado” pola Consellería de Pesca.

A parlamentaria nacionalista lamentou o voto en contra do PP e afirmou que esta medida incidirá moi negativamente na situación actual das mariscadoras que perciben un salario por debaixo do “60 por centro do salario mínimo  interprofesional”.

CABO DE CRUZ

Conflitos como o que se está a vivir a Agrupación de Mariscadoras de Cabo de Cruz (Boiro) son consecuencia directa desta obrigatoriedade: mariscadoras  que defenden a súa profesionalidade para extraer marisco, para efectuar limpezas, sementar... para mellorar a calidade e cantidade da produción pero non para ser vixiantes e loitar contra o furtivismo. Vixiancias ás que se opoñen xa que non foron aprobadas pola Asemblea Xeral da Agrupación de Mariscadoras de Cabo de Cruz, requisito necesario para incluírse no Plan de Explotación, concluíu

Posted via email from Certo.gl, o xornal dixital de Barbanza e Noia

Noia: actos culturais previstos neste mes de abril

■ Día 5, venres. A compañía Fantoches Baj  presenta a obra de títeres A fábula Galénica  (Acto incluído na celebración do mes do libro)
Para nenos e nenas de 3 anos en diante.
Casa da Cultura ás 18:30 h.

■ Día 5, venres. Concerto de ESPIDO
Rúa do Curro ás 22:00 h.

■ Día 7  domingo. Proxección da película  O Irlándes
(Ciclo de cine Emocións cotiás)
Casa da Cultura ás  20:00 h.

■ Día 12, venres. Presentación libro Monicreques de Xosé Daniel Costa.
Casa da Cultura ás 20:30

■ Día 13,  sábado.  Concerto de SILVIA PENIDE
Rúa do Curro ás 22:00 h.

■ Día 14, domingo. Proxección película Almorzo en Plutón
(Ciclo de cine Emocións cotiás).
Casa da Cultura ás 20:00 h.

■ Día 21, domingo. Proxección  da película O Chef
(Ciclo de cine Emocións cotiás)
Casa da Cultura ás 20:00 h.

■ Días 25, 26 e 27 FEIRA DE SAN MARCOS (o día 25, xoves,  Feira-Concurso cabalar. O  día 27 sábado, VI Certame de Pintura ao aire libre “Juan José Fernández Leiceaga” Sesé”)

Relacionadas: Noia: monicreques o venres 5 polo Día do Libro Infantil e Xuvenil Noia: "Eros", expo colectiva no Liceo dende o 5 de abril Noia: ciclo de cine "Emocións cotiás", os domingos na casa da cultura local Noia: bases do certame de pintura ao aire libre do 27 de abril Pode que tamén lle interese: Noia: unha piscina máis asequible trala rebaixa de taxas municipais Noia: o Rali, do 19 ao 21 de abril, adicado ao boirense Dani Castro Cultura: Serafín Marcos mergúllate na poesía con 6 autores galegos

Posted via email from Certo.gl, o xornal dixital de Barbanza e Noia

Boiro: o portavoz nacional do BNG visita este venres 5 aos estafados das preferentes pechados no Concello

• Co gallo do cento de días que levan con esta protesta non violenta

Xavier Vence o día que foi proclamado Portavoz Nacional do Bloque Nacionalista Galego

O portavoz nacional do BNG, Xavier Vence, visita este venres ás 18:30 horas as persoas vítimas da estafa das participacións preferentes que cumpren 100 días pechadas na Casa do Concello de Boiro.

No encontro, estarán tamén membros da Executiva Nacional do BNG como Bieito Lobeira e Goretti Sanmartín, a deputada no Congreso Rosana Pérez, a deputada no Parlamento galego Ana Pontón e o responsábel comarcal do BNG da Barbanza, Severino Romero, entre outras persoas da formación nacionalista.

Relacionada:

• Noia: piden a demisión do agora deputado do PP Pérez Insua polo escándalo de ter vendido preferentes antes de acceder á alcaldía de Noia e usar a escusa do seu soldo no banco para poñerse a maior nómina da historia deste concello
  

 

 

Posted via email from Certo.gl, o xornal dixital de Barbanza e Noia

Ribeira: o Psoe denuncia que o alcalde Ruiz Rivas está contra a transparencia, mesmo do seu propio partido

• “Si eu tivese un Picasso na casa, nunca o poñería na miña declaración de bens”, afirmou o alcalde do PP en Ribeira Manuel Ruíz Rivas
• O grupo do PP no pleno chegou a asegurar que "os políticos non teñen que dar un exemplo que o resto da sociedade non dá"
• O PSOE salienta que en Ribeira operaron empresas implicadas na trama Gürtel, que inda se está a investigar nestes días coas declaracións do ex tesoreiro do PP Luís Bárcenas
  

Ribeira, 4 de abril de 2013. Segundo denuncian hoxe en nota de prensa os socialistas de Ribeira, no pasado pleno, este grupo municipal do PSdeG-PSOE "ofreceu a oportunidade ao Grupo Popular de cumprir o compromiso do seu partido de facer públicas as declaracións de Patrimonio e Ingresos dos responsables institucionais. Aproveitando unha iniciativa plenaria do BNG os socialistas propuxemos unha “emenda transaccional” para que se publicasen na páxina web do Concello as declaracións de Bens e Ingresos dos membros políticos da corporación, ao que o Alcalde e o seu grupo se negaron de forma rotunda, alegando que “os políticos non teñen que dar un exemplo que o resto da sociedade non dá”.

 
O 15 de xuño de 2009 a Comisión Executiva da FEMP (Federación Española de Municipios e Provincias) aprobou por unanimidade o Código de Boas Prácticas do Gobierno Local. Dita comisión, integrada por membros do PSOE, PP e outras forzas políticas, propoñían entre outras cousas facer públicas as declaracións de bens e de patrimonio dos responsables políticos municipais. "Moito choveu dende o 2009, pero hoxe máis que nunca son necesarias medidas que aumenten a transparencia nas institucións. A trama Gürtel, Campión, Pokémon e unha morea de casos de corrupción salpican a xeografía galega desprestixiando aos representantes do pobo, indistintamente das siglas de cada un. Sen embargo, o rexedor ribeirense considérao un agravio que pon en tea de xuízo a súa honradez. Nada máis lonxe da realidade, pois non se propuso que se fixesen públicas só as súas declaracións, senón as de todos os membros da corporación municipal", argumentan dende o Psoe local de Ribeira.

Gürtel en Ribeira

"O Alcalde parece descoñecer o propio concepto de transparencia can-
do se pregunta porqué el e non un fontainero, un médico ou un enxeñeiro, non se lle esixe o mesmo. Pois claramente porque o seu soldo sae de fondos públicos, dos nosos petos e os traballadores ou profesionais amentados non obteñen o seu soldo ou emolumentos do erario público! Así de sinxelo! A transparencia é a mellor medicina para evitar a corrupción, e en Ribeira esa
medicina fai tanta falta como no resto das institucións galegas. Acaso non traballaron para a administración local de Ribeira empresas investigadas na trama Gürtel? Non son habituais os comentarios cidadáns sobre os “presuntos enriquecementos ilícitos” dos cargos políticos? Poñámoslle remedio entón. Fagamos de Ribeira unha cidade máis transparente e sigamos traballando para mellorar a nosa cidade", rematan os socialistas ribeirenses.

O anterior alcalde, como senador, ten que facer declaración de bens e está colgada en Internet

Non se entende a postura do actual alcalde ribeirense, Manuel Ruiz Rivas, que fora antes de presentarse como candidato á alcaldía Portavoz do Grupo Popular no Parlamento, sobre a transparencia debida dos funcionarios públicos. O seu compañeiro de partido, ao que sucedeu na alcaldía, Torres Colomer, ten que facer declaración de bens, que se pode observar na páxina web do Senado español. Inda que non sexa moi crible (ten en depósitos en contas correntes a metade do que declarou no último IRPF, logo de décadas en postos como a presidencia da Deputación, alcaldía e senado), no caso de falsidade correspóndelle investigalo a un xuíz pero aos cidadáns sempre nos interesa saber se os políticos están para servirnos ou para enriquecerse co cargo ou favorecer aos amigos. E choca inda máis a postura de Ruiz Rivas cando é o seu partido, a nivel nacional, o que está promovendo unha Lei de Transparencia e, inda que non ofreza explicacións abondo, disque intenta loitar contra a corrupción.

Declaración de Bens de Torres Colomer (senado.es)

Declaración_Bens_Torres_Colomer.pdf Download this file

Relacionada:

 

Transparencia: o alcalde de Noia publica a súa nómina na web

Posted via email from Certo.gl, o xornal dixital de Barbanza e Noia

Rianxo: ata o 5 de maio, "Un mar de mulleres", mostra sobre as traballadoras das nosas costas

Dende o 6 de abril ao 5 de maio no Centro Sociocultural-Auditorio de Rianxo poderá visitarse a exposición Un mar de mulleres organizada polo Grupo de Acción Costeira 7 da Ría de Vigo - A Garda e a Asociación Mulleres en Acción.

O acto de inauguración xunto coa presentación do audiovisual Un mar de mulleres terá lugar o sábado 6 de abril ás 12.00 horas.

Rianxo: este sábado, 6 de abril, concerto de jazz e "jam session" post.ly/AK6G3

— Certo (@Certo) April 3, 2013

Rianxo: domingo, 7 abril, "O tempo do Pájaro Pinto", obra póstuma de Andrés Martínez, "Pancho", a cargo de Airiños post.ly/AK6I8

— Certo (@Certo) April 3, 2013

Pode que tamén lle interese:

• Rianxo: idiomas, deseño, tempo libre e sanidade, entre outros cursos de "Fórmate Rianxo"

Posted via email from Certo.gl, o xornal dixital de Barbanza e Noia

Ribeira: o venres 19 de abril, Deportivo da Coruña contra Málaga C.F. en fútbol indoor na Fieiteira

• Fran e José Ramón impartirán un campus de fútbol base 
• As Miñoteiras e Concello organizan maratón de fútbol indooor o 20 e 21 de abril 
• As entradas para o partido destacado, a 5 euros
  

 

Ribeira, 3 de abril de 2013.- O pavillón polideportivo de A Fieiteira vai dar cabida este mes a tres interesantes actividades ligadas coa práctica do fútbol indoor: modalidade deportiva na que, nun campo de céspede artificial de 20x40 metros rodeado de valados e cunha portería cunhas dimensións parecidas ás de fútbol 7, enfróntanse dous equipos compostos por catro xogadores de campo e un porteiro cada un.

O concelleiro de Deportes, Juan Luís Martínez Queiruga, e Marcos Álvarez en representación da Liga Fertiberia de Fútbol Indoor presentaron hoxe estas actividades, entre as cales sobresae o partido que o día 19 de abril, ás 20.45 horas, disputarán o Deportivo de A Coruña e o Málaga C.F.

Marcos Álvarez destacou a importancia do enfrontamento para as aspiracións á Liga Fertiberia do equipo galego que, tras dous encontros xogados, está empatado a 3 puntos co Real Valladolid, o Celta de Vigo e o Málaga, mentres que o quinto integrante deste grupo -o Oporto- non xogou polo de agora ningún partido.

As entradas custan 5 euros e xa están a venta dende hoxe na oficina de Deportes situada no Complexo de A Fieiteira.

Por outra parte, e aproveitando a presenza da infraestrutura específica que require a disputa este partido, Asociación As Miñoteiras e Concello organizarán un Campus de Fútbol Base e un Maratón de Fútbol Indoor.

 

Campus, a 30 euros con entrada para ver o Dépor-Málaga

Juan Luis Martínez avanzou que o campus será impartido polos destacados futbolistas naturais do noso concello Fran e José Ramón González. A acción constará de actividades de tecnificación e perfeccionamento adaptadas a nenos de 6 a 12 anos e nela poderán participar ata un máximo de sesenta participantes divididos en dous grupos en función da idade (trinta por grupo).

O campus levarase a cabo entre o 15 e o 18 de abril, en horario de 18.30 a 20 horas para un primeiro grupo formado por nenos de 6 a 9 anos; e de 20 a 21.30 horas para un segundo grupo de nenos de 10 a 12 anos.

A inscrición custa 30 euros por participante: contía que inclúe a entrada para presenciar o Depor-Málaga.

Maratón o 20 e 21 de abril

Por outra parte, o Primeiro Maratón Cidade de Riveira de Fútbol Indoor celebrarase os días 20 e 21 de abril. Está destinado a todas categorías, dende prebenxamín ata senior e veteráns. Ao coincidir coa tempada futbolística, compatibilizaranse os horarios federativos cos deste campionato para que todos os futbolistas da comarca poidan disputalo.

O prezo de inscrición varía segundo a categoría: Prebenxamín 20€, Benxamín 20€, Alevín 20€, Infantil 20€, Cadete e Xuvenil 30€ e Senior e Veteráns 50€.

As entradas xa están á venda no complexo de A Fieiteira e o sorteo dos equipos celebrarase o 18 de abril ás 13.00 horas na Oficina de Deportes de A Fieiteira.

Ribeira: este sábado, se es de Carallos de Rei ou algunha peña da Dorna, non te esquezas! I Asemblea de Peñas! twitter.com/Certo/status/3…

— Certo (@Certo) April 3, 2013

Lingua galega: o ribeirense, con pronunciado acento carreirán, @carloscallon fala de encarapuchados! cc/ @carlospogho carloscallon.com/2013/04/encapu…

— Certo (@Certo) April 3, 2013

Cultura: "Feito na casa", nova publicación sobre cultura tradicional en galego. De balde en animaxesavengalego.wordpress.com/feito-na-casa/

— Certo (@Certo) April 3, 2013

 

 

Posted via email from Certo.gl, o xornal dixital de Barbanza e Noia

Rianxo: este sábado, 6 de abril, concerto de jazz e "jam session"

O próximo sábado 6 de abril, ás 18.00 horas, no Auditorio de Rianxo realizarase un concerto a cargo do alumnado mozo de  Estudio, Escola de música (Santiago de Compostela) e da Escola de música Juan Francés de Iribarren-Sangüesa (Navarra) coa colaboración de:

• Coro de Nenos de Estudio, escola de música
• Combo tributo a John Scofield de Estudio, escola de música
• Combos da Escola Juan Francés de Iribarren
• Alumnado e combos da Escola de Música de Rianxo
• Alumnado do Seminario de Jazz e Música Moderna de Burela

Posteriormente, ás 22.00 horas, realizarase outro concerto na Cervecería Gallaecia

 

Posted via email from Certo.gl, o xornal dixital de Barbanza e Noia