Dodro: Os vellos non deben de namorarse

A Concellaría de Cultura e Patrimonio do Concello de Dodro, dirixida polo nacionalista Anxo Franco, dentro do programa de actividades Nadal Activo 2009, organizou o pasado día 19 de decembro a obra de teatro “Os vellos non deben de namorarse” de Castelao, representada pola compañía teatral Sueiro.com.

Representouse no Local da Asociación de Veciños San Xoán de Laiño, en Imo, ante unhas cincuenta persoas, que disfrutaron coa posta en escena malia a vaga de frío que nos asolagou eses días.

O título da obra chamou por un público familiar, de idades moi dispares, xa que é unha historia universal na memoria de todos os galegos e galegas. Cóntase a desventura de tres homes de idade avanzada que se namoran de mozas novas para rematar finando os tres ao pouco de se namorar. A obra, moi fiel ao escrito por Castelao, foi ovacionada polo público ao seu remate. Anxo Franco, concelleiro de cultura e responsable da organización do programa de actividades Nadal Activo, anima a todos os veciños e veciñas a participar e asistir ás actividades que se están a desenvolver estos días nos distintos lugares do concello para participar toda a familia dun momento
de ocio en común.

Programa de Nadal Activo en Dodro aquí

See and download the full gallery on posterous

Posted via email from Posterous de Certo, o xornal virtual de Barbanza e Noia