Rianxo: adxudicados 92.000 dos 200.000 metros cadrados do polígono industrial, en 23 parcelas, case todas da mesma empresa

Prevese o desenvolvemento dun proxecto de gran impacto económico na zona (a Xunta non di cal, pero suponse que é LyC, o mesmo que fixo o Dolce Vita de Coruña, http://www.ccodeon.com, así que nos podemos atopar nun futuro cercano co maior centro comercial de Barbanza, con todas as vantaxes e inconvintes que iso supón)

Rianxo, 1 de marzo de 2010.- O Consello de Administración de Solo Empresarial del Atlántico (SEA, S.L), empresa participada polo Instituto Galego da Vivenda e Solo e que preside Agustín Hernández, conselleiro de Medio Ambiente, Territorio e Infraestruturas, adxudicou un total de 23 parcelas do parque empresarial de Rianxo.

En total adxudicáronse máis de 92.000 metros cadrados, que supoñen case a metade da superficie de uso industrial e comercial do parque empresarial, que acada os 200.000 metros cadrados.

A meirande parte das parcelas foron adxudicadas a unha única empresa, que prevé desenvolver un proxecto a medio prazo de gran impacto na zona, especialmente na xeneración de emprego e reactivación económica.

O importe de venda das parcelas adxudicadas supera os 7,5 millóns de euros.

Relacionada:

Polígono industrial de Rianxo: o Bng pide unha nave multifuncional

Posted via email from Posterous de Certo, o xornal virtual de Barbanza e Noia