Pobra do Caramiñal, 9 de febreiro de 2011.- A directora xeral de Comercio da Consellería de Economía e Industria, Nava Castro, visitou hoxe as prazas de abasto da Pobra do Caramiñal e de Padrón para trasladar ás praceiras e aos praceiros a importancia estratéxica que estes espazos comerciais teñen dentro da estratexia deseñada polo departamento que dirixe Javier Guerra para impulsar e apoiar o comercio de proximidade e recollida no Plan Ágora, dotado con 130 millóns de euros.Segundo o Concello, "a directora Xeral quedou moi satisfeita, poñendo ao mercado da Pobra como un dos máis dinámicos de Galicia e cunhas instalación de acordo os novos tempos. O alcalde aproveitou para comunicarlle as obras que vai levar a cabo na praza, dende o cambio de portas, rexillas, pintado do edificio, chapeado dos pasillos e limpeza de toda a fachada de pedra, por un importe de 57.000 euros.
A directora xeral de Comercio informoulle ao mesmo tempo ao alcalde que nuns días sairán no Diario Oficial de Galicia as subvencións para os mercados. O alcalde agradeceulle todo o que está a facer non só no mercado da Pobra senón de tódolos concellos de Galicia.O alcalde tamén lle propuxo o aire acondicionado nos postos pechados así como outras mellores no mesmo. Á directora xeral pareceulle moi ben a proposta, a cal apoiará, sen dúbida".
Posted via email from Certo.gl, o xornal dixital de Barbanza e Noia
No hay comentarios:
Publicar un comentario