Boiro: Deira viaxa a Barcelona, á primeira reunión da Red de Cidades da Ciencia e a Innovación

Primavera en Barcelona. Flickr de robokow

Boiro, 21 de marzo de 2011.  O Alcalde de Boiro, Xosé Deira Triñanes, participará mañá martes, día 22 de marzo, a partir das 16.30 horas no Ayuntamiento de Barcelona, na cidade condal, na primeira reunión da “Red Innpulso. Red de Ciudades de la Ciencia y la Innovación”, co seguinte orde do día:

   1. Entrega de diplomas aos alcaldes que obtiveron a distinción “Ciudad de la Ciencia y la Innovación”, entre as que se atopa Boiro.
   2. Aprobación do Protocolo polo que se establecen as normas de funcionamento da “RED INNPULSO Ciudades de la Ciencia y la Innovación”.
   3. Elección do Presidente.
   4. Elección dos seis membros do Consejo Rector, dúas por cada modalidade da distinción.

Cómpre lembrar que Boiro foi o único municipio de Galicia distinguido como “Ciudad de la  Ciencia y la Innovación” polo seu Centro de Formación – Centro de Hostalería – Viveiro de Empresas, situado no Polígono Industrial e inaugurado o pasado día 11 de marzo polo Delegado do Goberno en Galicia, D. Antón Louro Goyanes, un acto no que tamén participaron representantes do Ministerio de Ciencia e Innovación.

O Ministerio pretende, coa creación desta rede, habilitar un contacto permanente entre todos os municipios galardoados, así como compartir recursos e información.  

Relacionadas:

Inaugurado o viveiro de empresas: pte Deputación e delegado do Goberno

Premio: o alcalde recolleu o "Cidade da Ciencia e Innovación"

Posted via email from Certo.gl, o xornal dixital de Barbanza e Noia