A Pobra, 14 de marzo de 2011. O Concello informou hoxe en rolda de prensa que a empresa Javasan comezará en breve os traballos de desbroce, limpeza de camiños e cunetas apoiada pola brigada municipal de servizos do concello da Pobra do Caramiñal.
Os traballos levaranse a cabo por zonas ata rematar as labores de limpeza en toda a zona rural, é dicir, nas parroquias de Santa Cruz, Santo Isidro e Xobre.
Piden colaboración veciñal
"É de interese para este equipo de goberno ter estas zonas limpas polo que se insta aos veciños a que se acheguen ás oficinas do concello para informar dos lugares nos que consideren necesaria a intervención das brigadas municipais", explicou o concelleiro de Obras e Servizos, Andrés Millán, persoa de contacto para estas informacións.
Desde o concello afirman "traballar arreo para que con estas actuacións todos os camiños, estradas e accesos queden en condicións axeitadas e darlle así un mellor servizo a todos os nosos veciños e veciñas".
Posted via email from Certo.gl, o xornal dixital de Barbanza e Noia
No hay comentarios:
Publicar un comentario