Boiro: novas sendas peonís en Comoxo e Moimenta e ampliación do parque infantil da Praza de Galicia

Detalle dunha porta da aldea de Moimenta

Boiro, 1 de abril de 2011. A Deputación da Coruña destinará 273.983,84 euros para financiar as obras de mellora da seguridade viaria en DP 1105 de Noia a Cabo de Cruz, P.K. 7,230 a 7,930 (Moimenta) e do P.K. 11,170 ao 11,980 (Comoxo).

O investimento, aprobada no último Pleno provincial, suporá a construción de dúas sendas peonís de 700 e 810 metros respectivamente, a ambos os dous lados da calzada. As novas sendas peonís terán 2 metros de ancho e a unha distancia de 0,5 metros do bordo da calzada.

Hórreo en Comoxo

As sendas executaranse con pavimento continuo de slurry cor verde con rega de adherencia, mestura bituminosa, rega de imprimación e capa de zahorra. Nos puntos nos que o noiro sexa maior de 0,5 metros exponse a execución dun muro de dique.

Por baixo da senda peonil colocaranse os servizos de abastecemento nos tramos repostos e canalizacións para iluminación pública, así como a rede de sumidoiros.

Para a captación das augas colocaranse sumidoiros cada 25 m. aproximadamente. A mesma distancia manterase para a colocación de pozos.

Ampliación do parque infantil da Praza de Galicia

A Deputación da Coruña probou tamén destinar un orzamento de 61.763,99 euros para financiar as obras de renovación dun parque infantil en parte norte da Praza de Galicia, que duplicará a súa superficie, pasando dos 140 metros cadrados que ten na actualidade a 303 metros cadrados, e que estará estruturado en diferentes áreas segundo as idades dos nenos: área de menos de 2 anos, de 2 a 6 anos e de 6 a 12 anos.

O proxecto contempla a instalación de novos xogos infantís, paneis indicadores e xardineiras de gran formato.

Posted via email from Certo.gl, o xornal dixital de Barbanza e Noia