Ribeira: alumnos do obradoiro de emprego Airoas aprendéronlle a escolares do colexio de Aguiño a plantar árbores

Ribeira, 6 de maio de 2011. O obradoiro de emprego de Ribeira, Airoas, realizou unha actividade de colaboración co colexio público de Aguiño este xoves 5 de maio .Nela participaron tres grupos de nenos de Educación Primaria de diferentes idades (6, 9 e  10 anos) e o mestre cos alumnos-traballadores da especialidade de xardinería.

Os escolares puideron aprender a plantar varias especies de árbores (cinco liquidambars, sete camelias e un piñeiro piñoneiro, e tamén viron o semilleiro, onde os alumnos de Aguiño gozaron misturando substrato e sementeira.
 
Ademais disto, o obradoiro de emprego Airoas tamén colabora co Ceip de Aguiño noutras actividades como o desbroce e limpeza dos vexetais do recinto e o axardinamento dunha parte dos seus terreos e a montaxe do regadío da mesma.

Posted via email from Certo.gl, o xornal dixital de Barbanza e Noia