- As novas instalacións faríanse con cargo a un convenio coa construtora Mirón y Gutiérrez, no que tamén se inclúe axeitar a rúa Canarias e abrir novo vial detrás do ceip O Grupo
Ribeira, 6 de marzo de 2012.- A voceira municipal Herminia Pouso deu conta este mediodía dos principais asuntos tratados na reunión de hoxe no Grupo de Goberno. Entre os mesmos, a edil informou de que se está a ultimar a sinatura dun convenio de colaboración coa empresa promotora Mirón y Gutiérrez, S.L., que lle permitirá ao concello desenvolver diversas actuacións de interese para a veciñanza.
Así, un dos puntos que está previsto incluír neste acordo é a recepción temporal por parte da Administración Local do terreo localizado fronte ás novas dependencias da Policía Local para ofrecer alí novos servizos. Barállanse tres alternativas que non son excluíbles unhas das outras: a instalación dun parque municipal de BMX (unha modalidade acrobática de ciclismo parecida ao trial), unha zona de skate e, recollendo numerosas demandas entre os cidadáns, un parque canino “que lles permita aos donos destes animais dispoñer dun espazo urbano para que os seus cans poidan disfrutar en total liberdade, ao tempo que preservamos a seguridade dos cidadáns”.
Elementos desmontables
En todos supostos se faría uso de elementos móbiles que, chegado o caso, non habería problema en desmontar e trasladar a outras ubicacións. No caso de darse o visto bo ás tres alternativas, a superficie que se requirirá para a súa posta en marcha aproxímase aos 1.500 metros cadrados.
Ademais, en virtude deste convenio o Concello recibirá a cesión en propiedade da rúa Canarias de tal xeito que dende a Administración se poidan efectuar alí traballos de mellora en acondicionamento que subsanen as eivas que rexistra este vial (falta de beirarrúas, firme deteriorado, etc...). De igual xeito, recibirase tamén a franxa de terreo situada por detrás do colexio O Grupo para abrir alí unha nova vía que conecte a rúa Canarias coa travesía perpendicular a Mariño de Riveira. Entre outras vantaxes, esta apertura permitirá desconxestionar o tráfico da avenida Miguel Rodríguez Bautista nas horas de entrada e saída dos alumnos ao recinto escolar ao ofrecer aos pais e nais unha posibilidade alternativa para deixar aos seus fillos.
Por último, o convenio recolle a cesión por dous anos da parcela situada entre a rúa Canarias e a praza de España na que está instalada a carpa que acollerá provisionalmente o mercado municipal.
Acondicionamento da carpa
Precisamente respecto a este último punto, Herminia Puso comunicou que no día de hoxe inícianse os traballos de tabicación e división do interior da carpa, así como o acondicionamento do entorno. A portavoz municipal explicou que esta instalación contará con dous accesos: un que conectará o mercado provisional coa rúa de Galicia (practicamente en fronte de onde está a praza de abastos actual) e outro coa rúa Canarias, cuxa función principal é o de dar entrada a mercadorías aínda que tamén poderá ser empregado polos usuarios .
A intención do Executivo é poder comezar os labores de traslado dos praceiros en canto finalicen estes traballos, de tal xeito que o mercado provisional poida entrar en funcionamento antes da Semana Santa, “para non prexudicarlles nuns días que, pola afluencia masiva de visitantes á cidade, solen gozar de gran actividade comercial”.
Traslado da Oficina de Deportes
Por último, Pouso Maneiro deu conta do traslado da Oficina de Deportes dende o seu emprazamento actual no Auditorio Municipal ata o Complexo Deportivo da Fieiteira. O número de teléfono para poñerse en contacto con este servizo é o 981 873 646, en tanto que o enderezo electrónico segue a ser o habitual deportes@riveira.com.
Graças aos grafiteiros a ribeira esta mais bonita. Buraco da Catita. Foto: Ney Douglas twitpic.com/8sqd15
— Ney Douglas (@neydouglas) March 6, 2012
Os he dicho ya que este jueves Randy de Desalojo y yo volvemos a dar la nota en acústico? Esta vez en Riveira: facebook.com/events/2873375…
— Lulu Forraje (@LuluForraje) March 5, 2012
"Pedalea por Paula".Domingo, 11 de Marzo. Boiro.Quedada solidaria para recaudar fondos para Paula. ¡No faltes! 😊🚲 twitter.com/martaSsevilla/…
— Marta Santos (@martaSsevilla) March 5, 2012
Autoestrada do Barbanza, como só a poder a cámara de Txorima e nunca os teus ollos (nin os del) flic.kr/p/bnJJeL
— Certo (@Certo) March 5, 2012
Certo"Purple Rain": Javier Ferreirós analiza este disco mitiquísimo do xenio de Minneápolis, Prince. Imprescindible!!! certo.es/index.php?page…
— Certo (@Certo) March 5, 2012
O Xornal Dixital de Barbanza e Noia
OLLO!! PÁXINA DE SEAREIROS EN FACEBOOK: http://www.facebook.com/xornalcerto
ÚNETE!!
http://www.certo.gl
http://certo.posterous.com
http://www.flickr.com/photos/certo/
http://xornalcerto.blogspot.com
http://twitter.com/Certo
http://friendfeed.com/certo
From: abdón dorca <prensa@riveira.com>
Date: 2012/3/6
Subject: O CONCELLO ESTUDA INSTALAR FRONTE Á POLICÍA LOCAL UN PARQUE CANINO, UNHA ZONA DE SKATE E OUTRA DESTINADA A BICICLETA ACROBÁTICA
To: abdón dorca <prensa@riveira.com>
Posted via email from Certo.gl, o xornal dixital de Barbanza e Noia
No hay comentarios:
Publicar un comentario