Barbanza, por Certo: Deportes: o Concello de Ribeira organiza torneos de fútbol a pares

30.4.12

Deportes: o Concello de Ribeira organiza torneos de fútbol a pares

Este ano deixan de ser endogámicos: aceptan equipos doutros concellos no de fútbol afeccionado

Ribeira, 30 de abril de 2012. O concelleiro de Deportes Juan Luis Martínez e representantes dos clubs Atlético Riveira, Sálvora CF e Xuventú Aguiño (Primitivo Sampedro, Ramón Martínez e José Manuel Vilas) presentaron hoxe a 7ª edición do Trofeo Cidade de Riveira de Fútbol Afeccionado e a 17ª do Trofeo Concello de Fútbol Base: dúas competicións organizadas pola área municipal que dirixe o edil Juan Luis Martínez Queiruga que van ter lugar a partir de mañá en dous escenarios: os campos de herba sintética de A Fieiteira e A Tasca.

Como novidade deste ano hai que salientar que se permitiu a participación de elencos deportivos procedentes doutros municipios. Concretamente, o Xuño, o Crocha e o Porto do Son.

Polo que respecta ao Trofeo Cidade de Riveira de Fútbol Afeccionado, oito son os equipos participantes: CD Artes, Olveira CF, Atl. Riveira, SH Palmeira, Atl. Oleiros, SD Xuño, Xuv. Aguiño e Sálvora CF.

Mañá 1 de maio terán lugar os cuartos de final, mentres que as semifinais están programadas para o 17 de maio e a final para o 27 de maio.O Atlético Riveira foi o gañador da edición de 2011.

Fútbol base

En canto ao Trofeo Concello de Fútbol Base, haberá tres categorías: infantil, cadete e xuvenil, das cales a primeira das citadas dará comezo mañá cos cuartos de final (nas outras dúas modalidades esta rolda está prevista para o 9 de xuño).

O edil Juan Luis Martínez destacou o carácter eminentemente formativo que teñen estas dúas competicións.

Ribeira: novos cursos de alfabetización dixital en parroquias, do 7 de maio ao 28 de xuño post.ly/74zC7
— Certo (@Certo) April 30, 2012

Ribeira: a Festa da Dorna deste ano xa comeza a definirse post.ly/74xOe
— Certo (@Certo) April 30, 2012

O ribeirense @carloscallon xa se está pasando: quepasanacosta.com/?p=14966 @amesanl Acouga un pouco, garda das risas para as choras! :P
— Certo (@Certo) April 30, 2012