- Alberto Núñez Feijóo foi recibido na casa consistorial, onde destacou este concello, gobernado polo Partido Popular, "como exemplo de iniciativa económica e de solvencia nas contas"
- O presidente da Xunta departiu cos voceiros da Corporación e os diferentes ex- alcaldes da democracia
Ribeira.- 29 de agosto de 2012.- A Casa do Concello viviu no día de hoxe unha recepción institucional ao presidente da Xunta de Galicia, Alberto Núñez Feijóo: un acto no que, co alcalde Manuel Ruiz Rivas á cabeza, compareceron a maioría dos integrantes da Corporación Municipal, ademais doutras autoridades como é o caso dos anteriores rexedores do municipio (José Luis Torres Colomer, Ricardo Pérez Queiruga e Xosé Antonio Ventoso Mariño), os Fillos Adoptivos Ramiro Carregal Rey e Magdalena Bringas Miralles, e a delegada territorial da Xunta, Belén do Campo Piñeiro.
Núñez Feijóo tivo a oportunidade de asinar no Libro de Ouro do Concello no despacho de alcaldía, lugar onde mantivo un primeiro encontro cos rexedores anteriormente referidos e cos voceiros da Corporación.
Acto seguido, foi recibido no salón de plenos nun acto no que Alberto Núñez Feijóo cualificou a Ribeira como un dos “núcleos máis importantes de actividade económica dende o punto de vista da pesca, da industria e transformación do mar e do turismo”.
Concello "saneado" pero que foi a plan de rescate
O presidente, que acaba de convocar eleccións e xa antes diso estivo facendo precampaña por Cabo de Cruz, quixo reafirmar todos os proxectos comprometidos polo Goberno galego co Concello ribeirense, “xa se trate de proxectos que melloran a produción económica e incentivan a promoción económica ou xa se trate de proxectos sociais, viarios, de infraestruturas e de saneamento”. Tamén destacou o feito de que Ribeira é un Concello saneado, o que constitúe “a maior garantía de autogoberno dunha Administración”.
Esquecéuselle lembrar no seu mitin ao presidente da Xunta, e do Partido Popular de Galicia, que Ribeira foi, como todos os concellos de Barbanza, a plan de rescate, xa que ten unha débeda considerable cos seus proveedores. E non é algo de agora: véxase o resultado dos últimos catro exercicios contables.
| Débeda dos catro últimos exercicios de Ribeira (A Coruña) | ||||
| 2008: | 6,526,000 | Euros | 237.91 | por habitante |
| 2009: | 6,530,000 | Euros | 238.06 | por habitante |
| 2010: | 6,524,000 | Euros | 237.84 | por habitante |
| 2011: | 6,174,000 | Euros | 222.90 | por habitante |
| POBOACIÓN 2011: | 27,699 | |||
Lealdade institucional
Pola súa parte, Manuel Ruiz agradeceu ao presidente da Xunta que quixera estar na “casa de todos os ribeirenses”, e resaltou a lealdade institucional demostrada polos distintos grupos políticos da Corporación ao estar presentes neste acontecemento.
Ademais, o alcalde manifestou a intención do Concello de Ribeira de ser non só referente na comarca do Barbanza senón en toda Galicia. “Nestes momentos temos a comarca con menos paro de toda Galicia e isto se debe a o espírito emprendedor deste pobo, tanto no eido industrial como nos sectores do mar e comercial” afirmou, e ratificou a súa intención de que “o exemplo de Ribeira sexa o exemplo de toda Galicia e de toda España”.
A este respecto, manifestou que a Xunta de Galicia "coñece todos os problemas do concello e é garante da solución dos mesmos".
Agasallo
Para finalizar o acto, o alcalde entregou un agasallo institucional ao presidente da Xunta consistente nunha réplica do faro de Corrubedo elaborada por Sargadelos.
Boiro: a sexta Xuntanza Literaria "As verbas do Barbanza" será o venres 7 de setembro post.ly/953dQ Multado un hombre en Valencia por buscar comida en la basura JAJAJAJA es que no queremos dar mala imag...UNA MANIFESTACIÓN ¡A DAR PALOS! Fraga: homenaxeado dentro e rexeitado fóra. Hoxe mesmo valminor.info/baiona/4718-o-… vía Núñez Feijóo: Acusado de "gallego-fóbico" por unos, es defensor de la "normalización lingüística" ow.ly/dj3Mu vía Barbanza: "Stop Desahucios" estivo recollendo sinaturas en Ribeira post.ly/94Cj2
@valminorinfo
@abc #galicia
Posted via email from Certo.gl, o xornal dixital de Barbanza e Noia
No hay comentarios:
Publicar un comentario