Barbanza, por Certo: A Pobra: a Deputación pagará case a totalidade do novo foxo para remo no edificio de deportes náuticos

18.3.13

A Pobra: a Deputación pagará case a totalidade do novo foxo para remo no edificio de deportes náuticos

Unha infraestrutura que teñen poucos clubs en Galicia, ao contrario que comunidades como Euskadi ou Cantabria
Neste municipio entrenan uns setenta remeiros

A Pobra, 18 de marzo de 2013. O presidente da Deputación da Coruña, Diego Calvo, asinou esta mañá o convenio de colaboración co Concello da Pobra do Caramiñal que formaliza a achega provincial para a construción do foxo de remo do edificio de deportes náuticos deste municipio. O acordo asinouse co alcalde do municipio, Isaac Ventura Maceiras.

A axuda provincial aprobada neste convenio é de 47.264 euros, o que supón o financiamento do 85,26% do orzamento dun proxecto que ascende a un total de 55.436,15 euros e que ten un prazo de execución de tres meses. O alcalde, trala sinatura do convenio, salientou a grande importancia que terá esta nova instalación, xa que en A Pobra traballan a diario setenta remeiros. “Grazas a este foxo de remo, poderán facelo a diario a pesar das condicións climatolóxicas, xa que estará a cuberto”, explicou Isaac Ventura. Engadiu, ademais, que “a Deputación e o seu presidente foron quen de ver as necesidades do noso Concello coa colaboración nesta obra tan importante, moi habitual en municipios de Cantabria e o País Vasco, pero que en Galicia teñen contados clubs”.

Finalmente, Isaac Ventura solicitou a presenza de Diego Calvo na próxima inauguración do foxo de remo, para o que espera que poida estar listo antes do verán.