- Programa de balde. Inscricións dende hoxe ata o 1 de abril en Servizos Sociais
- Impartirase na Paxareira
Dodro, 18 de marzo de 2013. A Concellería de Servizos Sociais e Igualdade de Dodro dentro do programa Amodiño Dodro e baixo o lema “Mente sana... en corpo sano”, organiza técnicas na prevención de situacións de dependencia destinado a toda a poboación maior de idade. Relaxación, risoterapia, dinámicas de grupo, musicoterapia e autoaxuda serán os contidos deste programa de dinámicas activas de benestar mental, físico e emocional.
Os obxectivos deste programa son reducir a tensión física e mental, mellorar e reforzar a autoestima, mellorar a comunicación social, conseguir benestar físico, lograr unha adaptación óptima tras unha situación de cambio vital e previr doenzas e xerar actitudes positivas para cambiar estilos de vida que favorezan a saúde, entre outras.
Este programa é gratuito para a veciñanza e realizarase os martes e xoves do 9 de abril ao 9 de maio de 20,30h a 22h nas aulas da Paxareira. As inscricións poden realizarse do 18 de marzo ao 1 de abril no departamento de Servizos Sociais do concello.
Antes, en Certo:
Posted via email from Certo.gl, o xornal dixital de Barbanza e Noia
No hay comentarios:
Publicar un comentario