Os socialistas aconsellan rotondas na zona da Mercé. Na imaxe, o pazo
Posted via email from Posterous de Certo, o xornal virtual de Barbanza e Noia
3.3.10
A Pobra: propoñen dotar de pasos de peóns varias rotondas do municipio
Compártelo
Rianxo: o 20 de marzo, Festa da Xuventude en Taragoña, en Campo Maneiro
Cóntannos que a comisión está composta por xente moza, entre 20 e 24 anos, con moitas gañas de festa. Prometen que haberá sorpresas para os que se acheguen, así como bocatas, bebida, chocolate cos seus correspondentes churros, unha carpa por se a chuvia quere augar a festa, aparcadoiro para todo o mundo e boas orquestras (indicadas no cartel).
Queren que se achegue xente de todo Barbanza, pero se son de fóra, tamén poden. Incluso deben!Posted via email from Posterous de Certo, o xornal virtual de Barbanza e Noia
Compártelo
Rianxo, A Pobra do Caramiñal e Ribeira, designados "Portos Xacobeos". Noia, o vello porto de Compostela, non
Vista do peirao de A Pobra do Caramiñal
Os portos distinguidos como Portos Xacobeos son os de Ribadeo, Betanzos, Pontedeume, Corcubión, Cee, Muxía, Fisterra, Tui, Pontevedra, Pontecesures, Vilanova de Arousa, Cambados, Rianxo, A Pobra do Caramiñal e Ribeira
Noia ten unha lauda chamada "do peregrino" e mesmo tivo hospital para eles Noia, 3 de marzo de 2010.- Segundo acaba de informar a Xunta, as Consellerías do Mar, a través de Portos de Galicia, e de Cultura e Turismo presentaron hoxe o programa de actividades denominado Portos Xacobeos, incluído dentro dos actos programados para o Ano Santo 2010. O acto de presentación contou coa presenza da conselleira do Mar, Rosa Quintana, o conselleiro de Cultura e Turismo, Roberto Varela, o presidente de Portos de Galicia, José Manuel Álvarez-Campana. As consellerías de Mar e Cultura van da man “nun momento no que todos formamos parte dun proxecto común que nos envolve e no que debemos estar implicados todos os galegos: o Xacobeo”, sostiveron ambos conselleiros. O obxectivo deste programa é o de achegar os portos do Camiño aos cidadáns. A través de máis de 60 actividades, preténdese fundamentalmente dar a coñecer os nosos portos e a súa relación histórica co Camiño de Santiago, programando unha serie de actos nos que se pode participar ou aos que se pode asistir como espectador. Ao mesmo tempo poténcianse as instalacións portuarias dándolle un uso que integra a actividade económica, o uso social e cultural dos portos de xeito harmónico. Esta aportación da Consellería do Mar ao fenómeno Xacobeo en colaboración coa Consellería de Cultura e Turismo supón, sempre segundo a Xunta, unha gran oportunidade para dar a coñecer por primeira vez a vinculación dos portos cos diferentes Camiños, nunha aposta por favorecer o coñecemento das nosas instalacións portuarias. Tamén se aproveita a oportunidade que nos ofrece este ano Santo para achegar a realidade sociocultural dos municipios galegos tanto aos seus habitantes coma aos seus visitantes. Portos de Galicia levará a cabo este programa nas instalacións portuarias distinguidas como portos Xacobeos. Trátase de portos que pola súa situación dentro dos diversos Camiños de Santiago están relacionados por ser punto de referencia para os peregrinos. Cada porto será identificado cun monolito e con cartelería específica co lema dos portos xacobeos: “Hai camiño polo mar”. Ademais, toda a información, programación e actos figurarán na páxina web www.portosxacobeos.com. En total, 15 portos forman parte deste programa que engloba cinco Camiños de Santiago: o do Norte, Fisterra-Muxía, Camiño Inglés, Portugués e ruta Marítima de Arousa. Os portos distinguidos como Portos Xacobeos son os de Ribadeo, Betanzos, Pontedeume, Corcubión, Cee, Muxía, Fisterra, Tui, Pontevedra, Pontecesures, Vilanova de Arousa, Cambados, Rianxo, A Pobra do Caramiñal e Ribeira.
Conferencias, exposicións e concertos
Dentro desta oferta cultural inclúense quince conferencias de prestixiosos coñecedores e estudosos dos diferentes Camiños, os que falarán desde unha perspectiva histórica sobre as rutas xacobeas. Nomes como os de Celestino Lores, presidente da Asociación Amigos do Camiño Portugués, ou José de la Riera, presidente da Federación Galega Amigos dos Camiños, entre outros, amosarán as súas experiencias e coñecementos. Haberá exposicións que serán itinerantes e estarán dedicadas en cada porto á vinculación específica da instalación co Camiño correspondente. Outras tantas exposicións estarán unha semana en cada lugar nunha vistosa e orixinal forma de presentación abordo do Hidria II, un barco de vapor reconstruído en museo “itinerante”.No apartado musical, o programa tamén inclúe 15 concertos de música de cámara relacionada co Camiño. Incorporan música antiga, barroca, clasicista e século XX, con grupos de diversas especialidades que amosarían a heteroxeneidade da cultura galega. O feito de utilizar diversas especialidades camerísticas, amosa un repertorio no que se conxugan distintos rexistros culturais que inclúen músicas propias e tradicionais xa ben sexa en arranxo feito para a ocasión como propiamente obra orixinal. As explanadas portuarias serán o lugar elixido para a realización dos 14 concertos de pop e rock. Concertos que terán unha duración de tres horas con dúas bandas. Un tributo musical á música dos anos 60 e 70 e tamén pop/rock de plena actualidade, será tamén a oferta musical para todos os públicos.
Noia, Porto de Compostela, quedou excluída
Aínda que o outro día Portos de Galicia fixo unha defensa do porto de Noia por se desaparecía coa eliminación da escollera, como lles informamos aquí, semella que se esqueceu do pasado deste porto histórico en relación coas peregrinaciónse e non aparece o porto de Compostela (mesmo hai unha publicación de Xosé Agrelo na editorial noiesa Toxosoutos que se titula así) como porto xacobeo neste Ano Santo. A vinculación de Noia e o seu porto co Camiño de Santiago vén de moi lonxe. Cómpre lembrar que a actual Noia (no sitio onde está) foi fundada en 1168 e que o descubrimento do tombo do Apóstol Santiago en Compostela fíxoo un tal Paio en 813, polo que a vila noiesa colleu xusto os primeiros séculos de fama do Camiño Xacobeo.
Sartego do bispo Teodomiro I en Santiago, a quen Paio lle revelou o lugar onde estaba soterrado o Apóstol
Hai restos arqueolóxicos que dan testemuño. Aínda que non podemos ver xa o antigo hospital de peregrinos, que un alcalde tirou na súa ignorancia por se lle caía enriba a alguén, si se pode contemplar a lauda do Peregrino, da que teñen cumprida información aquí. Que Noia se incluíse neste programa de Portos Xacobeos sería fantástico para que máis xente -e algún político- redescubrise o conxunto de laudas gremiais máis importante de Europa, en Santa María a Nova. Noia foi sitio de paso -e segue a ser- de peregrinos polo Camiño Francés no seu roteiro ata Finisterre. Os camiñantes ían hacia a parroquia de San Orente de Entines, na Serra de Outes e logo desviávanse pola liña da costa e aproveitaban os restos que aínda quedan da calzada romana Per Loca Marítima por esta zona. Curiosamente, en Outes hai un lugar chamado Labacolla (lembren que o aeroporto de Santiago leva este nome por ser o lugar onde tradicionalmente os peregrinos se lavaban os testículos antes de chegar a Santiago). Tamén hai historiadores que relacionan o porto de Noia co desembarco nel de guerreiros hacia as Cruzadas en Terra Santa. Álvaro de las Casas chega a asegurar nos seus escritos que a Noia chegaban por mar peregrinos de toda Europa "en romería jacobea". Disque sobre 1147 unha armada saída de Darmouth con soldados de Alemania, Inglaterra, Aquitania e Flandes que ían á cruzada predicada por San Bernardo, correu risco de naufraxio por un temporal e tivo que irse a refuxiar a Noia, onde se xuntaros e repararon nada menos que 200 barcos.
Posted via email from Posterous de Certo, o xornal virtual de Barbanza e Noia
Compártelo
2.3.10
Ribeira: apremian á Xunta para que entregue durante o mes de marzo as vivendas sociais de Xarás
O Viceportavoz do Grupo Parlamentario do PSdeG,José Manuel Lage urxe á Xunta de Galicia nunha proposición non de lei a entregar as 21 vivendas de protección oficial de Ribeira e denuncia "o incumprimento dos prazos por parte da Xunta de Galicia".
-Lage Tuñas recorda que "as vivendas tiñan que terse rematado o 16 de maio de 2009 pero non se cumpriu o prazo e despois o goberno galego volveu a dar un novo prazo para finais de setembro do 2009, e volveron a incumprir a súa palabra".
-"Non é normal que a Xunta actúe con tal lentitude porque da moi mala imaxe e amosa unha falta seriedade por parte do Goberno de Núñez Feijóo".
-O deputado do PSdeG agarda "que o PP vote a favor da nosa proposta e a Xunta entregue antes de que remate o mes de marzo as vivendas aos seus adxudicatarios."
-"Estamos a falar dun proxecto que comezou fai dez anos, e supón unha auténtica vergonza ver como aínda non se entregaron as vivendas. É algo que non se pode volver a repetir".
Download now or preview on posterous
26019-PNC Entrega urxente de vivendas sociais Xarás - Ribeira.pdf (143 KB) Posted via email from Posterous de Certo, o xornal virtual de Barbanza e Noia
Compártelo
Motor: o Bng pide maior seguridade para os moteiros na autovía AG-11 (a do Barbanza)
Concentración en Ribeira para pedir seguridade para os motoristas
O BNG considera que a seguranza viaria é un asunto de especial transcendencia como para xerar falsas expectativas ante os datos dos accidentes producidos por colisión contra gardarraís. De aí, a necesidade de coñecer as previsións do Goberno galego sobre o cumprimento das esixencias de seguranza para os/as motoristas e as medidas que farán efectivo o compromiso de instalar sistemas de contención adaptados para este numeroso colectivo na devandita autovía. A deputada nacionalista salienta os datos reflicten que un 15% dos/as accidentados/as no último ano, foron vítimas de colisións contra gardarraís véndose involucrados nun 20% dos accidentes con vítimas e o 12,2% de falecementos en vías urbanas e interurbanas no conxunto do estado. Ante esta situación, a deputada do BNG quer saber a valoración da Xunta de Galiza sobre o grao de seguranza para o colectivo de motoristas que circulan pola autovía do Barbanza,se considera necesario instalar a dobre bionda en todo o seu percorrido e de ser así, cando iniciará a súa instalación. Relacionado: un colaborador de Certo referiuse a este asunto hai pouco
De Torres Colomer e os moteiros do Barbanza, por M.X. Agrelo
Posted via email from Posterous de Certo, o xornal virtual de Barbanza e Noia
Compártelo
Rianxo: o domingo 7 de marzo, DKD Dúo ofrece un concerto de música de cámara
A Escola de Música de Rianxo organiza o primeiro os concertos do Ciclo de Música de Cámara 2010, que terá lugar o vindeiro domingo 7 de marzo ás 19:30, no Auditorio de Rianxo. Nesta ocasión haberá oportunidade de escoitar a DKD Dúo, formado por Iago Hermo (Piano) e Antón Alcalde (Percusións).
Saben quen é Antón Alcalde? Falamos del aquí
Posted via email from Posterous de Certo, o xornal virtual de Barbanza e Noia
Compártelo
Boiro: o consello local do Bng, a favor dos pasos de peóns a xeito de banzos nas proximidades de poboacións
O Consello Local do BNG de Boiro respalda as actuacións realizadas polo goberno municipal para a mellora da seguridade e da accesibilidade dos viais
Boiro inzarase con sinais destes en breve
Boiro, 2 de marzo de 2010 (nota íntegra do Bng). Sen ánimo de entrar en discusións estériles desde o BNG consideramos que as medidas adoptadas polo goberno de Boiro, consistentes na elevación dos pasos de peóns nas proximidades das poboacións, contribuirán á mellora da seguridade tanto de viandantes como de condutores despois de que se teña constatado en máis dunha ocasión a excesiva velocidade pola que se circula nalgúns tramos do noso viario, coa conseguinte perigosidade para nenos, anciáns e habitantes da nosa vila.
Os nacionalistas defenden este tipo de obstáculos no medio da estrada
Ninguén dubida que, cos novos pasos elevados, a velocidade de circulación dos vehículos reducirase, os pasos de peóns serán máis visíbeis e seguros e, ao mesmo tempo, facilitarase a accesibilidade das persoas maiores e dos diminuídos no habitual desenvolvemento das súas vidas. Os pasos de peóns serven de medida disuasoria e preventiva, tanto para condutores imprudentes como para posíbeis distraccións ao volante.
Outra vantaxe que lle ven é que non é unha medida recadatoria
Finalmente, trátase dunha medida probada en países europeus, así como en moitos concellos próximos como Vilagarcía, Cambados, Pontevedra, a Illa de Arousa, a Estrada, o Carballiño, etc., nos que se demostrou que esta actuacion é efectiva, ademais de non ser recadatoria. Despois dun accidente non vale de nada por multas, xa fose por imprudencia ou por exceso de velocidade, senón que é mellor previr e evitar así atropelos. Sabemos que é unha medida que afecta a todos incluso ás persoas que circulan civilizadamente, pero se así somos capaces de salvar unha soa vítima vale a pena.
Desde o BNG estamos seguros de que esta obra será ben acollida co tempo tanto no Cabo da Cruz como no resto los lugares nos que se colocaron, e que contan co beneplácito da cidadanía.
Polémica en Cabo de Cruz polos pasos elevados
Posted via email from Posterous de Certo, o xornal virtual de Barbanza e Noia
Compártelo
Boiro: o trebón extratropical Xynthia ao seu paso por Comoxo
via youtube.com
Explica o usuario snowgz: "Ciclogénesis explosiva "Xynthia" 27/2/2010. A las 19:00 el ojo del huracán aterriza en la zona de Barbanza, (Comoxo). La temperatura subió unos minutos antes hasta los 20 grados y luego bajó a los 6 ó 7 de golpe. Las rachas de viento huracanadas en algunas ocasiones superaron los 130 km/h".
Por se as moscas, non abriu a fiestra... Usuario de YouTube precavido vale por dous!
Posted via web from Posterous de Certo, o xornal virtual de Barbanza e Noia
Compártelo
1.3.10
Noia: Portos de Galicia, en contra da demolición dos coídos (escollera), pois di que faría desaparecer o porto de Noia
A supresión destes coídos, di Portos de Galicia, "produciría que as aportacións dos ríos colmatasen todo o estuario eliminándose deste xeito a posibilidade de acceder a un dos portos históricos de Galicia" Esta escolleira forma parte das instalacións transferidas ao organismo portuario no ano 1982 e polo tanto Costas do Estado non ten competencias sobre ela, afirma Portos de Galicia.Noia, 1 de marzo de 2010.- Portos de Galicia considera que o proxecto de demolición dos coídos da canle de acceso ao porto de Noia, que plantexa o Ministerio de Medio Ambiente a través de Costas do Estado, non beneficiará ao porto, senón que incluso o faría desaparecer. O organismo portuario sinala que esta actuación non permitirá recuperar zonas ata o momento improdutivas e ademais convertería aquela superficie nunha marisma. Portos de Galicia considera que unha rexeneración integral da ría sería a opción mais axeitada, é dicir, a limpeza de fangos e o saneamento da ría, xa que logo, a supresión da devandita escollera produciría que as aportacións dos ríos colmatasen todo o estuario eliminándose deste xeito a posibilidade de acceder a un dos portos históricos de Galicia.
Peirao de Noia en 1925. Fotos da estadounidense Ruth Anderson
Portos de Galicia considera que a desaparición destas instalacións privaría á vila de Noia dun dos seus máis importantes atractivos: o do seu porto, no que historicamente existiu un importante tráfico marítimo de mercadorías. A devandita escollera fora construída a finais nos anos cincuenta sobre un proxecto inacabado redactado no ano 1946, que permitiría manter constantemente auga en toda a superficie. Por outra banda, esta canle de acceso forma parte das instalacións transferidas ao organismo portuario no ano 1982 e polo tanto Costas do Estado non ten competencias sobre ela, asegura Portos de Galicia en nota de prensa.
Obxectos retirados da ría de Noia por Medio Ambiente no último ano
Que pasa entón co proxecto de rexeneración?
O Estado ía investir case tres millóns de euros para dragar a lama da ría de Noia entre a ponte e o malecón de Gasset. A intención era tirar desa zona ata un metro de profundidade da lodeira. Estas obras ían licitarse nos próximos meses (aínda que, como advertimos sempre en Certo, fíense das datas de palacio e logo non corran) e incluirían as toneladas de rebos retirados deses coídos. Haberá agardar, de novo, e ver se os técnicos das diferentes administracións se poñen de acordo. Tamén habería que pedirlle explicacións a alguén se estivo a facer un traballo que non era da súa competencia (se o que di Portos sobre que as instalacións dos coídos están transferidas é certo, que facía Medio Ambiente estudando a súa eliminación?). Pero iso aínda iría para máis longo...
Posted via email from Posterous de Certo, o xornal virtual de Barbanza e Noia
Compártelo
Suscribirse a:
Entradas (Atom)
