Barbanza, por Certo

6.10.10

Noia: a vila acolle este venres unha das actuacións do XXI Festival Internacional de Música de Pulso e Púa "Cidade de Cristal"

O certame desenvólvese entre a vila noiesa e A Coruña, Betanzos, Carballo, Culleredo, Pontedeume, Cambre, Cee, Oleiros, Arzúa, Bergondo, Negreira e Sada

Irina Kazimirskaia e Los Trovadores de Logroño. Máis información aquí

Noia, 6 de outubro de 2010. Este venres, 8 de outubro, Noia acolle un dos recitais do XXI Festival Internacional de Música de Pulso e Púa "Cidade de Cristal". Actuará Irina Kazimirskaia e Los Trovadores de Logroño. Terá lugar ás oito e media da tarde no Coliseo Noela, con asistencia libre e gratuita.

Un total de trece concellos da provincia da Coruña acollen este ano o ciclo de concertos da vixésimo primeira edición do Festival Internacional de Música de Pulso e Púa “Cidade de Cristal”, unha iniciativa que conta coa colaboración da Deputación da Coruña. Os concertos celébranse entre o 6 e o 10 de outubro na Coruña, Betanzos, Carballo, Culleredo, Pontedeume, Cambre, Cee, Oleiros, Noia, Arzúa, Bergondo, Negreira e Sada. A Deputación da Coruña apostou nestes últimos anos pola potenciación deste festival, que nun principio circunscribíase unicamente á cidade da Coruña e que agora esténdese a numerosos concellos da provincia. Nos seus 21 anos de historia, o Festival Internacional de Música de Pulso e Púa “Cidade de Cristal” trouxo á provincia coruñesa a agrupacións musicais de numerosos países do mundo, fomentando o intercambio cultural entre os pobos e simbolizando a universalidade da linguaxe musical.

Por se quere e pode asistir a algún dos outros concertos, ademais do de Noia, a programación completa é a seguinte:

Mércores, 6 outubro

A Coruña

Reco do Bandolim & Choro Livre de Brasilia (Brasil)

Salón de Actos do Conservatorio Profesional de Música de A Coruña 19,00 horas
Jam session night – trae o teu instrumento

Sporting Club Casino da Coruña
23,00 horas

Xoves, 7 outubro

A Coruña

Trío Colombita de Bogotá (Colombia)

Praza de Azcárraga
12,00 horas

Betanzos

Reco do Bandolim & Choro Livre de Brasilia (Brasil)

Auditorio Municipal de Cultura
20,30 horas

Carballo

Trío Colombita de Bogotá (Colombia)
Pazo da Cultura
20,30 horas

Culleredo

Dúo Fabio Gallucci & Antonio Pilato de Ischia – Nápoles (Italia)

Igrexa Santiago do Burgo
20,30 horas

Pontedeume

Irina Kazimirskaia & Los Trovadores de Logroño ( España)
Casa da Cultura
20,30 horas

Venres, 8 outubro

Cambre

Dúo Fabio Gallucci & Antonio Pilato de Ischia – Nápoles (Italia)

Igrexa de Santa María de Cambre
20,30 horas

Cee

Trío Colombita de Bogotá (Colombia)

Salón de Actos do Concello
20,00 horas

Oleiros

Reco do Bandolim & Choro Livre de Brasilia (Brasil)

Auditorio C.C. A Fábrica en Perillo

20,30 horas
Noia

Irina Kazimirskaia & Los Trovadores de Logroño ( España)

Auditorio - Coliseo Noela
20,30 horas

Sábado 9 outubro

A Coruña

Irina Kazimirskaia & Los Trovadores de Logroño ( España)
Praza das Bárbaras
12,00 horas

Arzúa

Trío Colombita de Bogotá (Colombia)
Capela da Madalena
20,00 horas

Bergondo

Dúo Fabio Gallucci & Antonio Pilato de Ischia – Nápoles (Italia)
Mosteiro de Bergondo
19,00 horas

Negreira

Irina Kazimirskaia & Los Trovadores de Logroño ( España)
Capela do Cotón
21,00 horas

Sada

Reco do Bandolim & Choro Livre de Brasilia ( Brasil)
Casa da Cultura
20,00 horas

Domingo 10 outubro
ACTO DE CLAUSURA

A Coruña

Dúo Fabio Gallucci & Antonio Pilato de Ischia – Nápoles (Italia)

Trío Colombita de Bogotá (Colombia)

Reco do Bandolim & Choro Livre de Brasilia ( Brasil)

Irina Kazimirskaia & Los Trovadores de Logroño ( España)

Orquestra de Alumnos da Agrupación Musical Albéniz

Orquestra da Agrupación Musical Albéniz da Coruña- Grupo de voces Millenium

Actuación final conxunta da Orquestra da Agrupación Musical Albéniz e os grupos do festival
Teatro Rosalía de Castro
12,00 horas

A Coruña

Reco do Bandolim & Choro Livre de Brasilia ( Brasil)
Sporting Club Casino da Coruña
20,00 horas

Relacionada:

Cultura: programación de outubro en Noia

Posted via email from Certo.gl, o xornal dixital de Barbanza e Noia

Lousame: a sétima Mostra de Teatro Afeccionado comeza este domingo 10 de outubro cunha obra de Candelexas

Lousame, 6 de outubro de 2010. O Concello de Lousame organiza por sétimo ano consecutivo a Mostra de Teatro Afeccionado. Dende o domingo 10 de outubro, en que se ofrece a obra "Faladoiro no Banco", do grupo noiés Candelexas, ata o domingo 7 de novembro. Todas as funcións son ás 19.00 horas na Casa da Cultura.

Posted via email from Certo.gl, o xornal dixital de Barbanza e Noia

5.10.10

Dodro: ata o 13 de novembro para presentar poemarios á XXIII edición do premio "Eusebio Lorenzo Baleirón"

Download now or preview on posterous

diptico1.pdf (1228 KB)

Dodro, 5 de outubro de 2010. A Concellaría de Cultura do Concello de Dodro continúa apoiando a poesía en lingua galega e anuncia a convocatoria da XXIII Edición do Premio de Poesía Eusebio Lorenzo Baleirón. Anima a todas as persoas interesadas a presentaren os seus traballos antes do 13 de novembro de 2010.

O Premio Eusebio Lorenzo Baleirón, coa súa longa traxectoria tras 22 edicións, é xa un
clásico dentro dos certames literarios galegos e, máis alá do recoñecemento dun xurado e
un modesto incentivo económico, ofrece a certeza da publicación da obra premiada
nunha colección especializada que leva o nome do poeta dodrense na prestixiosa
editorial Sotelo Blanco, o cal adoita ser o auténtico aliciente dos participantes.

As concursantes optarán coma nas ocasións anteriores mediante unha obra
orixinal inédita en calquera medio e soporte a un único premio concedido por un
xurado de autores e críticos literarios e, polo demais, con suxeción ás bases publicadas
que se poden consultar no web municipal así como nos dípticos editados polo Concello, un dos cales vai nesta información.

A XXIII terceira edición está xa ás portas porque se resolverá a mediados de decembro
motivo polo que a tenente alcalde, a nacionalista Victoria Rei, anima "a todas e todos os
interesados en contribuír a reverdecer coa súa savia nova o recordo do noso benquerido
poeta sobre novas follas de poética galega".

Posted via email from Certo.gl, o xornal dixital de Barbanza e Noia

Noia: los ecologistas de Océana están en contra de las prospecciones de petróleo frente a la Ría de Muros e Noia

La organización de conservación marina considera que actualmente no hay técnicas de seguridad suficientes para la realización de perforaciones a gran profundidad y pide una moratoria. Para ellos, la catástrofe producida en el Golfo de México muestra una vez más el fracaso de un modelo de progreso y desarrollo basado en la explotación de recursos fósiles.

Estatua de Laxeiro dedicada a la catástrofe del Prestige y la labor de los voluntarios. Museo do Mar de Vigo

Noia, 5 de outubro de 2010. Oceana muestra su rechazo a la intención de realizar prospecciones petrolíferas de gran profundidad frente a las costas gallegas (O Gran Burato está enfrente de Noia, hacia el oeste, como informamos el otro día), dado que las técnicas de seguridad actuales son insuficientes para prevenir accidentes de gran envergadura. El emplazamiento anunciado, el “Gran Burato”, es un cráter submarino de unos 4 kilómetros de diámetro, ubicado a unos 140 km del litoral y a unos 1.700 m de profundidad, sobre el que se ha lanzado una campaña de investigación entre cuyos objetivos está determinar la existencia de yacimientos de hidrocarburos que puedan ser explotados comercialmente.

La campaña, que comenzará a mediados de octubre y a bordo de un buque oceanográfico, está apoyada por la Xunta y liderada por varias universidades y centros de investigación. "Oceana considera incomprensible que la Xunta y el Parlamento de Galicia hayan dado la espalda y mostrado su oposición al desarrollo de la energía eólica marina en Galicia, cuando ésta es limpia y carece de riesgos de catástrofes ambientales, y en cambio parecen estar dispuestos a echarse en manos de la industria petrolera, causante de mareas negras y de cambio climático. De hecho, las prospecciones marinas deberían detenerse ya en todo el mundo”, señala Xavier Pastor, Director Ejecutivo de Océana Europa.

Explican que el progresivo agotamiento de las reservas de petróleo más someras y fáciles de explotar hace que muchos países se hayan vuelto cada vez más osados en la búsqueda de combustibles fósiles, yendo cada vez a lugares más remotos como el Ártico y realizando perforaciones a mayores profundidades, sin disponer en muchos casos de medidas de seguridad suficientes. Así ha ocurrido en el Golfo de México, donde Oceana está llevando a cabo una expedición de dos meses para estudiar el impacto a medio y largo plazo del vertido de la plataforma de BP.

“El ansia de encontrar un recurso finito ha hecho subestimar las complicaciones que pueden aparecer en perforaciones de profundidad”, manifiesta Ricardo Aguilar, Director Científico de Oceana Europa. “Tal y como se ha puesto de manifiesto en el accidente producido en la Deepwater Horizon de BP, nadie dispone de técnicas de seguridad suficientes y eficaces apara evitar a una catástrofe de este tipo.”

Oceana considera necesario una moratoria en la explotación de nuevos yacimientos y no sólo para aquellos que se encuentren en zonas profundas. La organización lamenta que, a pesar de las numerosas crisis ecológicas y económicas que ha ocasionado un modelo energético basado en la explotación de recursos fósiles, todavía existan comunidades y países decididos a obviar los numerosos impactos que se están produciendo por el cambio climático.

“La utilización de energía procedente de recursos renovables es a día de hoy un factor clave en las políticas energéticas y medioambientales de la UE. La cuota de este tipo de energías debe ir aumentando de forma definitiva en el mix energético global, y para que esto sea posible, es necesario la eliminación progresiva de aquellas fuentes altamente contaminantes como es el petróleo o el carbón”, declara Aguilar.

En este sentido, Oceana considera necesario la incorporación de tecnologías capaces de aprovechar la enorme cantidad de energía que nos ofrecen nuestros mares y océanos, ya sea la eólica marina o las aún poco visibles energías del mar, de forma que cada vez cobren un mayor protagonismo en nuestro modelo energético.

Antes publicamos:

Petróleo ou gas fronte a Noia? A Xunta volve buscar

Posted via email from Certo.gl, o xornal dixital de Barbanza e Noia

Noia: os comerciantes do CCA da vila organizan a I Pasarela de Moda "Noia Histórica" este venres 8

Noia, 5 de outubro de 2010. A primeira edición da Pasarela de Moda do Centro Comercial Aberto "Noia Histórica" terá lugar este venres 8 de outubro no pavillón de Rosalía de Castro, entre as oito e media e as dez da noit. Xunto a modelos profesionais de recoñecido prestixio desfilarán os mozos, mozas, nenos e nenas seleccionados no cásting realizado. Lucirán as prendas da vindeira tempada que se amosan nas tendas asociadas. Como colofón haberá unha exhibición de baile. A entrada ao desfile é de balde.

Posted via email from Certo.gl, o xornal dixital de Barbanza e Noia

Cultura: Barbantia abre páxina en Facebook e propón candidatos para os seus premios en 2010

Premiados en 2009 por Barbantia. Xesús Santos, como director do grupo de Teatro Airiños, Xosé Luis Axeitos e Xosé Ramón España

Barbanza, 5 de outubro de 2010. Falar de Barbantia é nomear cultura en Barbanza e máis aló. Cunha web que cada vez se actualiza menos -apenas poñen as actividades, cada vez máis espazadas entre si nos últimos tempos-, agora Barbantia ábrese á rede social máis grande do mundo, Facebook. Podes engadir á Asociación Cultural Barbantia como amiga aquí.

A apertura do perfil en Facebook que fixeron hoxe mesmo xa conta cunha iniciativa: amosar os candidatos para os premios que conceden anualmente. E son os que seguen:

Premio Barbantia á Iniciativa Cultural no Barbanza:

1.- Casa da Gramática

2.- Liceo de Noia
3.- Coordinadora dos Equipos de Normalización Lingüística no Barbanza

Premio Barbantia á Traxectoria Cultural no Barbanza:

1Paola García Paz
2Xoán Mariño
3Manuel Mariño

Premio da Cultura Galega 2010:

1.- Andrés Torres Queiruga
2.- Xosé R. Barreiro Fernández
3.- Soledad Penalta

Web de referencia:
http://www.barbantia.org

Posted via email from Certo.gl, o xornal dixital de Barbanza e Noia

Ribeira: novo seminario sobre creación de empresas o venres 29 de outubro

Promovido polo Igape-BicGalicia e o Concello de Ribeira, ten unha duración de tres horas (de 10 a 13 horas) e impártese no Conservatorio Municipal. É de balde, pero hai que anotarse antes do 22 na oficina de desenvolvemento local.

O conservatorio está na Avenida Miguel Rodríguez Bautista, 21

Ribeira, 5 de outubro de 2010. Co obxectivo de ver como xorden as ideas empresariais, como se poden detectar boas oportunidades de negocio e como converter un proxecto nunha empresa, o vindeiro venres 29 de outubro terá lugar un novo seminario sobre creación de empresas no conservatorio, en horario de mañá. Tamén se coñecerá a testemuña dun empresario da zona que contará a súa experiencia.

O seminario está estructurado en tres grandes bloques:

- A Figura do Emprendedor: abordaranse aspectos como as actitudes desexables nun emprendedor, as habilidades, coñecemento e actitudes necesarias, os mitos que hai que superar, as diferentes motivacións que impulsan a emprender e as principais barreiras cas que se soen enfrontar.

- A Idea de Negocio: analízase que concepto queremos vender e cal será o perfil do noso cliente potencial. Examinaranse as distintas fontes de ideas e concluirase con que a viabilidade dun proxecto depende en gran medida da calidade e madurez da idea inicial. Tamén se abordarán as diferentes fontes de información ás que o emprendedor deberá acceder para recompilar datos, procesalos e analizalos co fin de examinala viabilidade dende o punto de vista comercial, económico- financeiro e técnico- legal.

- A Posta en Marcha: analizarase como levar a cabo a transformación da idea en proxecto, a necesidade de desenvolver un Plan de Empresa rigoroso e os recursos humanos e materiais que son necesarios para por en marcha o proxecto. Móstrase ademais unha serie de instrumentos e recursos que están dispoñibles para os emprendedores e que supoñen unha importante axuda para alcanzar o éxito no seus proxectos de empresa.

Este Seminario é totalmente gratuíto e está orientado a mozos, estudiantes, traballadores en activo, desempregados e, en xeral, a todas aquelas persoas con inquietudes empresariais.

A inscrición deberá realizarse na Oficina de Desenvolvemento Local deste Concello ata o 22 de outubro.

Posted via email from Certo.gl, o xornal dixital de Barbanza e Noia

Boiro: novo escándalo no CAB. Erros de todo tipo e plaxios na guía breve do complexo recén editada

A Nosa Señora da Guía: análise dun plaxio

Na páxina web do Centro Arqueolóxico acaba de poñerse a disposición do público unha Guía Breve do complexo (encántame este concepto) arqueolóxico de Neixón en PDF, financiada con fondos públicos e realizada por Víctor Barbeito Pose. http://centroarqueoloxicodobarbanza.org/docs/guia%20arqueo%20baja_spn.pdf Até aquí todo ben; o portal do CAB pon na Rede este documento para acceso de todo o mundo e ninguén criticará o feito de que se faga unha guía dunha área arqueolóxica. Agora ben. Os problemas son os seguintes:
1. A suposta guía está mal redactada e mistura ás veces galego e castelán, xa que se trata dunha burda tradución de textos alleos, escritos orixinariamente en galego polo equipo do proxecto arqueolóxico dos castros de Neixón dirixido por quen isto escribe.
2. Esta guía é totalmente indixerible polo público xeral e non é axeitada para unha correcta divulgación. É certo que isto é unha opinión, pero o que é inadmisible son os seguintes puntos.
3. A recreación dos castros de Neixón das páxinas 36 e 37 non ten absolutamente nada que ver coa realidade arqueolóxica documentada até o momento. É mentira, como xa apuntamos no seu día en Arqueoneixón.
4. O texto é un refrito de paragrafos enteiros que se atopan reproducidos en capítulos dos nosos libros publicados en Toxosoutos e en revistas especializadas. Así por exemplo, os apartados secuencia construtiva e características formais (páxs. 42 e 46) plaxian textos da miña autoría (Xurxo Ayán); o mesmo acontece co apartado de restos materiais (páxs. 46-50), que plaxia un texto redactado orixinariamente por Rafel Rodríguez. Máis escandaloso se cabe é o apartado adicado ao Castro Pequeno (páxs. 53-4)no que se plaxian paragrafos publicados no presente blog dando conta da nosa escavación de 2008.
5. Por suposto non aparece unha soa cita da autoría destes textos, nin nos créditos da publicación nin na bibliografía, inexistente. Escandaloso.
6. Incluso míntese ao asegurar que as cabanas reconstruídas no interior do Castro Grande son de época baixorromana (páx. 46), hipótese desbotada xa en 2007 coas escavacións dese ano que amosaron claramente como esas choupanas son do século I d. C. Un exemplo máis do descoñecemento absoluto do avance das investigacións, das publicacións recentes e do estado da cuestión.
7. Todo o mundo coñece a animadversión de Víctor Barbeito cara ao noso equipo de traballo, prexuízo que lle leva a obviar o noso traballo en Neixón. Esta actitude demencial lévao a non coller unha soa fotografía nin debuxo deste blog para ilustrar a guía, escaneando fotos en papel de intervencións de limpeza en Neixón de mediados dos anos 90 que non fornecen nada á comprensión da área arqueolóxica por público non especializado. Asemade, Víctor Barbeito fala de recentes intervencións como se fosen feitas por extraterrestres anónimos ou milagreiramente pola Nosa Señora da Guía.
8. O realmente gracioso é que o arqueólogo do CAB, malia non dar validez á nosa investigación, plaxia a mesma para redactar o 100 % da guía breve do complexo arqueolóxico de Neixón. Todo un paradoxo e unha evidencia máis da súa incompetencia.
A consecuencia de todo isto é a mesma de sempre: até cando se van dilapidar fondos públicos en actuacións enganosas carentes de calquer tipo de ética? até cando os cidadáns deben aturar este despropósito favorecido polo Concello de Boiro?

via neixon.blogspot.com

Posted via email from Certo.gl, o xornal dixital de Barbanza e Noia

Cinema: "Mar", curta de SonCine, do instituto de Porto do Son, premiada no Festival Internacional de Cinema de Ourense

Porto do Son, 5 de outubro de 2010.- O secretario xeral de Política Lingüística, Anxo Lorenzo, gabou hoxe “o importante labor de promoción do galego no ámbito audiovisual” que se leva a cabo a través do Festival de Cine Internacional de Ourense (OUFF) na súa sección OUFF Escola. Anxo Lorenzo fixo estas declaracións durante a rolda de prensa previa á entrega de premios deste certame, que tivo lugar esta mañá no Auditorio Municipal de Ourense. Entre os premiados está "Mar",
que se levou un segundo premio na categoría B (niveis de ensino non universitario) e que lles supón 400 euros para o centro e unha cámara de vídeo para o profesor. Tamén se presentou unha curta do IES A Cachada de Boiro, O Reversador, que poden ver aquí, pero non foi premiada.

Centros galegos premiados

Nesta segunda edición do Certame OUFF Escola participaron un total de 61 proxectos, fronte aos 34 do ano pasado. O mellor traballo na categoría de infantil e primaria foi Un camiño inesquecible, do CEIP A Igrexa – Calo, en Teo. O segundo premio foi para o CEIP Mestre Valverde Mayo de Mos, polo traballo Quen é ese neno. O CEIP A Carballeira, de Lourizán, en Pontevedra, fíxose co terceiro premio desta categoría grazas a A maldición do Samaín, mentres que o Premio Blanco Amor ao mellor guión foi para Un propósito constante, do CEIP Carballedo, en Cotobade.

Na categoría do resto de niveis de ensino non universitario, o primeiro premio foi para o traballo Xemelgos, presentado polo IES Europa de Ponferrada. O IES Porto do Son, xa citado, mentres que o terceiro premio foi para Dairas, do IES Manuel García Barros da Estrada. Smóking pesadelo, do CPI Cabo da Area, en Laxe, foi galardoado co Premio Blanco Amor ao mellor guión.

Finalmente, o xurado propuxo dúas mencións especiais nesta última categoría. A primeira delas, polo valor documental, concedeulla ao filme Curros 1936, do IES de Barro, en Pontevedra. Recibiu tamén mención especial Sen saída, do IES Lauro Olmo, do Barco de Valdeorras.

O Certame OUFF Escola

Ademais de fomentar a creatividade audiovisual e de impulsar o uso da lingua galega entre os máis novos, entre os obxectivos do OUFF escola tamén se encontran coñecer a visión do alumnado sobre o seu contorno sociocultural e mais impulsar o traballo en equipo. Ao mesmo tempo, búscase potenciar o uso das tecnoloxías da información e da comunicación nos centros de ensino e crear un espazo de referencia para a mostra do audiovisual realizado nas aulas. De feito, esta iniciativa encádrase como ferramenta dentro da Directiva Europea de Alfabetización Mediática, que procura darlles formación aos mozos e mozas sobre o coñecemento e a avaliación do audiovisual.

<p>MAR from SonCine on Vimeo.</p>

Antes publicamos:

"Mar": a nova creación de SonCine estreouse na Mostra de Curtas "Vila de Noia" e agora podedes vela aquí

See and download the full gallery on posterous

Posted via email from Certo.gl, o xornal dixital de Barbanza e Noia

Noia: aberto xa á circulación o primeiro tramo do corredor Brión-Noia

“Lograda a conexión entre Santiago e Noia seguiremos coa mellora viaria en todo o ámbito da ría rematando dúas actuacións nas que se vén traballando con intensidade nos últimos meses: a variante de Noia e a variante de Outes”, dixo hoxe o presidente da Xunta en Rois

Rois, 5 de outubro de 2010.- O presidente do Goberno galego, Alberto Núñez Feijóo, garantiu, esta tarde, o compromiso co avance e a modernización das infraestruturas e situou a posta en servizo do treito Brión-Martelo da Vía de Altas Prestacións Brión-Martelo-Noia, como “unha realidade” dentro do compromiso da Xunta de poñer en servizo máis de 150 quilómetros de vías de altas prestacións ata 2013. “A posta en servizo deste primeiro tramo do corredor entre Brión e Noia –dixo- é unha proba evidente de que seguimos traballando, por moitas que sexan as dificultades, e seguimos avanzando, decididos a que a recuperación económica nos atope nas mellores condicións para continuar crecendo”.

No tocante ao treito, Feijóo destacou que esta nova infraestrutura dálle continuidade a un proxecto de mellora integral das comunicacións de todo o ámbito da ría de Muros e Noia cara ao centro de Galicia. E engadiu que “lograda a conexión entre Santiago e Noia seguiremos coa mellora viaria en todo o ámbito da ría rematando dúas actuacións nas que se vén traballando con intensidade nos últimos meses e que son decisivas para favorecer o tránsito polas súas marxes: a variante de Noia e a variante de Outes”.

Así pensa deixar a Xunta a ponte sobre a Ría de Noia -o da escolleira aínda está no aire-

Segundo o responsable do Goberno galego, estas dúas actuacións lograrán un notable recorte dos tempos de viaxe de Noia a Ribeira e de Noia a Muros, achegando a parte máis occidental da provincia da Coruña a Compostela e conectándoa con maior eficacia coa rede de altas prestacións. Para Feijóo, a posta en servizo deste tramo pon de manifesto, amais, que o Executivo galego sigue avanzando nun dos seus compromisos: que o 80% do territorio de Galicia estea a menos de 10 minutos dunha vía de alta capacidade, tal e como recolle o Plan MOVE.

“Este primeiro tramo do corredor entre Brión e Noia vén a sumarse aos novos tramos de altas prestacións postos en marcha no escaso ano e medio de Goberno, acadando os 56 novos quilómetros de vías de alta capacidade en servizo, mentres seguimos a traballar en máis de 400 quilómetros desta rede, coa previsión de que máis de 150 estean en servizo no horizonte do ano 2013”. Feijóo aseverou que o plan MOVE de infraestruturas é un plan adaptado ás difíciles circunstancias económicas actuais co mesmo rigor e decisión que foi elaborado, “axustando ao máximo as súas actuacións, pero mantendo o nivel de compromiso co avance e a modernización das nosas infraestruturas”.

“Estamos a desenvolver –explicou- unha planificación con responsabilidade, conscientes de que o futuro dun país debe ser construído non a golpe de ocorrencias e improvisacións, senón conforme a plans reflexivos, executados e cumpridos con rigor e revisados con decisión e valentía no momento en que a realidade o aconselle”.

Deste xeito, incidiu en que o plan vai continuar a ser un referente de estabilidade para a creación de riqueza e postos de traballo e, sobre todo, un compromiso co conxunto de Galicia.

O presidente da Xunta afirmou que “este tramo entre Brión e Martelo abre un novo horizonte para o antigo Porto de Compostela, para todo o contorno da ría de Noia e Muros, para o occidente da Coruña e para o conxunto da nosa terra, que con obras como esta gaña en unidade e fortaleza, condicións indispensables coas que Galicia vai afrontar e gañar o seu futuro”.

Incremento da seguridade viaria e un aforro de tempo de máis do 50%

Pola súa banda, o conselleiro de Medio Ambiente, Territorio e Infraestruturas, Agustín Hernández, subliñou que esta nova vía, cuxo custe ascende a 40 millóns de euros, permite un aforro de tempo de máis do 50% -pasando dos máis de 8 minutos de percorrido pola actual estrada a 4 minutos pola nova-; “e evítase, amais, o paso por dous quilómetros de travesías e zonas con casas, co conseguinte incremento da seguridade viaria”.

Agustín Hernández afirmou que no ano 2012 poderase chegar desde Santiago ao Testal, a través dunha vía de altas prestacións, atravesando a ponte de Noia, “e tamén –dixo- poderemos chegar desde Santiago ao Freixo da mesma forma”. “Deste xeito, aqueles máis de 110 minutos en chegar de Santiago a Muros, pasarán a ser escasamente 40 minutos. Máis dunha hora de aforro nas comunicacións da ría con Santiago”.

Relacionadas:

Escolleira: Adega fala de chafallada administrativa