A Pobra do Caramiñal, 16 de maio de 2011. Apenas hai uns anos, os traballos de calquera escolar, de calquera alumna dun colexio ou dun instituto apenas tiña repercusión. O mestre encargáballo, podía comentalo na casa, entre os coñecidos, logo correxíase, cualificábase e morreu o conto. Nestes tempos de YouTube, calquera que teña acceso a Internet pode ver o que fixeron os alumnos do instituto da Pobra para Ciencias Sociais. Xusto en campaña electoral van e colgan os traballos en vídeo nos que, sen complexos e sen pelos na lingua, contan o que lles gusta e disgusta deste pobo. Veciñas e veciños da Pobra, pero sobre todo políticos en campaña, vaian tomando nota:
Rianxo, 16 de maio de 2011. Este martes 17, Día das Letras Galegas, terá lugar o concerto da Orquestra de Mulleres da Orquestra Sinfónica de Galicia, ás 20:00 horas no Auditorio de Rianxo.
A Orquestra de Mulleres da OSG interpretará obras de Corelli, Mozart, Rossini e Félix Mendelssohn, co programa que se adxunta na imaxe.
Noia, 16 de maio de 2011. Cruz Vermella informa dos cursos que está a organizar e se van realizar en breve:
-AXUDAS TÉCNICAS E DO FOGAR PARA PERSOAS A ATENCIÓN DE PERSOAS DEPENDENTES. Data: 21 de maio ó 7 de xuño (sábados) Horario: 10:00 - 14:00 e de 16:00- 20:00 ...Lugar: asambleade Cruz Vermella de Noia-PRIMEIROS AUXILIOS EN PERSOAS MAIORES. Data: 11 de xuño Horario: 9:00 - 14:00 e de 16:00 - 20:00 Lugar: asamblea de Cruz Vermella de Noia - PREVENCIÓN DE ÚLCERAS POR PRESIÓN Data: 11 de xuño Horario: 9:00- 14:00 e de 16:00 - 20:00 Lugar: MUROSPara máis información podedes chamar as nosas oficinas en horario de 09:00h - 13:30h.
E.K.O.S. eran de Rianxo, alomenos cando os coñecemosRibeira, 16 de maio de 2011. O Concello lembra que na noite de hoxe, luns, véspera do Día das Letras Galegas, o parque García Bayón de Santa Uxía da cabida ao Festival dos Maios, integrado pola actuación de sete bandas locais do municipio: Talón de Akiles, E.K.O.S., Belfastt, Generazion Perdida, Dúo Alecrín, The Fé Kaos e Yago F.M.
O festival dará inicio ás 21.30 horas e a súa organización conta coa colaboración da Asociación Flor de Toxo. Esta mesma entidade foi a que colocou o pasado venres 13 de maio unha pancarta no Palco de Pedra do Malecón, co lema de " Día das letras galegas 2011, Lois Pereiro" e a inscrición "Ti tes a chave, ábrelle as portas á túa lingua", coa que se pretende acender na memoria dos ribeirenses "a importancia e prestixio do idioma galego e de todos os seus autores", segundo explican dende esta asociación. Esta mañá, ás 10:30, na Praza do Concello, tamén levaron a cabo unha actividade na que amosaron á poboación da comarca os problemas cos que se atopa diariamente unha persoa con diversidade funcional. Integrantes da asociación convidaron a veciñas e veciños a pasear nunha cadeira de rodas polas rúas da Centenaria para ver os atrancos que hai para este tipo de vehículos e os seus ocupantes.
Aguiño coas Letras Galegas
Por outra banda, mañá 17 de maio, no Cruce de Aguiño tamén se conmemorará a Festa dos Maios coa actuación a partir das 21.30 horas da orquestra Gran Canaria. Colaboran a Asociación A Dourixeira, o Club Xubilados de Carreira e Aguiño, a Asociación Francisco Lorenzo Mariño e a hostalería de Aguiño.
No adro da Igrexa de Aguiño haberá inchables de 10 a 14 e de 16.30 a 19 horas; mentres que ás 19.30 horas haberá unha función de monicreques na Aula de Música de Aguiño a cargo de Duendesico.
Imaxe no Fb de Abel Lorenzo Díaz tomada o pasado sábado en Noia
Boiro, 16 de maio de 2011. O Centro de Información á Muller (CIM) e o Departamento de Servizos Sociais do Concello de Boiro convidan a todos os cidadáns, grupos políticos e asociacións locais a participar na concentración de solidariedade polo asasinato da moza de Noia Gloria García, de 19 anos, que terá lugar o vindeiro mércores día 18 de maio ás 11.00 horas na Praza de Galicia.
Lerase un manifesto de condena e gardarase un minuto de silencio en memoria da vítima.
O Departamento de Servizos Sociais e o Concello de Boiro queren tamén lembrar ás persoas desta localidade que poidan estar sufrindo situacións de violencia ou acoso que dispoñen de servizos gratuítos e especializados, totalmente confidenciais á súa disposición no Centro de Información á Muller, C.I.M. do Concello boirense, teléfono 981 84 28 26, ademais do teléfono 016, o cal non deixa pegada na factura telefónica.
O PSdeG-Psoe acusa ao PP de utilizar a Xunta contra os intereses do pobo de Noia e reitera que a limpeza da Ría "non ten volta atrás"Noia, 13 de maio de 2011. O episodio protagonizado onte pola Xunta de Galicia ao intentar paralizar as obras de rexeneración da Ría coa escusa de que determinadas pás estaban a actuar nunha zona LIC xa está no Parlamento en forma de iniciativa. Os impulsores, como non ía ser doutro xeito, son os socialistas, principais promotores desta actuación que no seu día levou o PP no programa electoral e que agora trata de impedir de calquera xeito, co apoio explícito do Bng. O deputado socialista Lage Tuñas asegurou hoxe que o PP "traizoa os intereses do pobo de Noia ao intentar paralizar a limpeza e rexeneración da Ría" e que esta limpeza foi pensada e estudada con modelos simulados por ordenador "para incrementar en 1.500 mariscadores as zonas produtivas de berberecho e ameixa, potenciar o turismo local e comarcal e facer de Noia unha vila de referencia en toda Galicia. O Pp actúa en contra dos intereses da maioría do pobo de Noia". O Portavoz da Área Institucional do PSdeG-PSOE presentou esta mañá unha batería de iniciativas parlamentarias co obxecto de pedir explicacións ao goberno galego “pola utilización da Xunta de Galicia para intentar frear a limpeza e rexeneración da ría de Noia”. Recorda que “dende fai máis de trinta anos agárdase por unha actuación das administraccións públicas que devolva ao esteiro noiés ao seu estado natural, coa conseguinte elimación de lama e a demolición da canle da escolleira.” A Xunta: Derrubos SLLage Tuñas afirma que "o PP na Xunta facer non fai nada, pero distínguese por intentar desfacer o traballo doutras administraccións. Feijóo convertiu a Xunta de Galicia en Derrubos, SL, onde a prioridade é desfacer todo o que facemos os socialistas”. Apunta que “en Noia tiveron moitos anos para limpar e sanear a ría, e agora cando o PSdeG-PSOE, a través do goberno de España, xestiona a limpeza e rexeneración da ría o PP adica os seus esforzos a poñer trabas e atrancos a este proxecto tan esperado polo pobo de Noia". José Manuel Lage recordaba que foi a propia Xunta de Galicia a que fai uns días nunha xuntanza con Costas do Estado e coa empresa pública Tragsa, pediulles que empregaran a zona de Testal, “e agora ameazan á empresa con multala só co ánimo de intentar frear a actuación”. "A vontade do goberno de España é limpar e rexenerar a ría, boa proba de que as obras continuan é que hoxe mesmo ao igual que onte as pás están traballando na zona de San Lázaro", continuou Lage, quen explica tamén que “a declaración de impacto ambiental está aprobada, amparando legalmente a execución do proxecto en marcha e polo que parece o PP dende a Xunta intenta poñer problemas e enredar, xa que non teñen capacidade para impedir a actuación” Os socialistas recordan que ”o goberno de España invertirá nesta actuación unha partida inicial de 2,7 millóns de euros para a primeira fase da limpeza da ría de Noia, coa demolición da escollera e a volta ao estado natural do esteiro”. Lage Tuñas afirmou que “o PP di que a demolición da escollera pode ser negativa, e eu pregúntome para quen é negativa, para as noiesas e noieses non, para máis de 1500 persoas que traballan no marisqueo tampouco. No ano 2007 o programa electoral de Tono Insua e o PP de Noia recollía a demolición da escollera e a limpeza da ría, agora din xusto o contrario.” Antes, en Certo:
Meteron 115 goles e só encaixaron 28Ribeira, 13 de maio de 2011. O alcalde José Luis Torres Colomer e o concelleiro de Deportes Miguel Ángel Vidal Tomé recibiron no salón de plenos da Casa do Concello de Ribeira ao equipo do Atlético Riveira, o cal vén de proclamarse nesta tempada 2010-2011 campión de Liga de Segunda autonómica e acadar o ascenso a Primeira.
Como máximo representante do equipo de fútbol local estivo Tivacho Sampedro, vicepresidente do club, posto que o seu presidente, Alberto Villaverde, non puido acudir por motivos persoais. Tivacho Sampedro destacou o gran papel logrado este ano polo equipo, que ten 40 anos de historia e que viviu ao longo da súa dilatada traxectoria grandes momentos como o do ascenso a terceira división, pero tamén outros difíciles, con risco incluso de desaparecer.
Pola súa parte, José Luis Torres Colomer eloxiou os moitos méritos colleitados este ano polo equipo local e fixo fincapé en que ademais de subir de categoría, o Atlético Riveira foi o equipo máis goleador con 115 goles e o menos batido con só 28. Animou ao elenco que leva o nome do municipio a proseguir pola mesma senda e intentar subir de novo de categoría: unha idea na que tamén abundou o edil Vidal Tomé, quen lle desexou á directiva e técnicos que teñan moito tino nas novas fichaxes.
Antes de finalizar o acto houbo intercambio de obsequios entre Concello, Atlético Riveira e o patrocinador do equipo.
Ribeira, 11 de maio de 2011. O Obradoiro de Emprego Airoas comezou a impartir o Módulo de Sensibilización Ambiental o pasado venres 29 de abril, cunha ponencia no salón de actos do Parque Periurbano de San Roque, coa colaboración externa do biólogo Juan José Sampedro Reiriz. A esta presentación, que se fixo amena e moi participativa, asistiron tódolos alumnos-traballadores de Airoas. O seu obxectivo xeral é introducir ao alumnado no coñecemento dos principais problemas medioambientais, tanto a nivel xeral como no ámbito laboral, e a súa aplicación na especialidade profesional. Na primeira xornada distinguíronse tres partes fundamentais:.- Exposición e explicación de conceptos básicos como son medioambiente, ecoloxía, cadena trófica, ecosistema, recursos naturais, hábitat, biodiversidade, pegada ecolóxica, cambio climático, contaminación e desenvolvemento sostible. .- Os efectos da actividade humana sobre o medio. Déronse a coñecer as consecuencias irreversibles da nosa acción sobre o medioambiente, e como o ser humano muda o estado natural coas consecuencias que disto se derivan, e que non só van afectar ao medioambiente natural, senón tamén ao medio urbano e ao noso traballo, á saúde e á economía. .- Posibles solución e actitudes a seguir tanto a nivel social-individual e a nivel das administracións ( competencias da UE, do Estado, Xunta, Concellos) Os obxectivos didácticos que se pretenderon acadar son entre outros, os seguintes: 1. Comprender a definición de medioambiente e achegarse ao coñecemento dos principais problemas medioambientais. 2. Obter un nivel de sensibilización e de respecto polo medioambiente desde un punto de vista científico. 3. Comprender a diferencia entre recursos naturais renovables e non renovables, así como do tempo preciso para recuperalos, por medio dun exemplo práctico: cando estamos facendo uso dunha enerxía (o petróleo) que precisa millóns de anos para producirse e unhas poucas horas para consumirse. 4. Coñecer o concepto de sucesión natural, e comprender como muda logo dunha alteración do medioambiente. 5. Aplicar á especialidade profesional os conceptos adquiridos co desenvolvemento de boas prácticas medioambientais no traballo. 6. Achegarse aos aspectos legais da figura da responsabilidade medioambiental e a necesidade da sostibilidade ambiental, principalmente: a Lei de responsabilidade medioambiental,a lei de residuos e os estudos de impacto ambiental. Utilizando tódolos conceptos básicos explicados,e mediante exemplos da nosa realidade máis próxima chegouse a comprender e a sensibilizar sobre o noso compartamento cara aos efectos sobre o cambio climático e maila contaminación nas súas diferentes formas. Antes, en Certo:
Sleeping Cat: naceu en 2010. A que sona este gato durmiñento? 
