Rianxo, 23 de febreiro de 2010. (Nota íntegra do Bng) Despois de meses sen actuación ningunha o BNG instará ao goberno muncipal a aclarar a situación do edificio construído tras a capela da Guadalupe. Antiga sede de Protección Civil, logo sofriu un incendio, e leva meses sen que os operarios realicen ningunha actuación nela depois de deixalo aparentemente amañado desde o exterior.
O BNG cre que se está todo en orde debe rematarse axiña definindo tamén a funcionalidade tamén que se pretende nel, pois se especulou en facelo o novo xulgado, logo sede para a Policia Local, etcétera. Estes vaivéns deben rematar programando unha actuación última para dotalo tamén do mobiliario preciso para acoller o servizo municipal correspondente e rachar coa situación de parálise e improvisación que mostra o executivo con estes e outros equipamentos que acumulan frecuentes demoras ou mesmo anulacións como a partida orzamentaria destinada a aula de formación nos baixos dos edificos de protección oficial na Martela que desapareceu.
Alegrámonos tamén de que se retomararan as actuacións no Consitorio despois de varios meses sen obra ningunha. Agardamos sexan as obras definitivas para poñer á disposición dos veciños e dos traballadores dunhas instalacións máis axeitadas e funcionais.
Reiteramos tamén a demanda da mocidade rianxeira de locais para actividades deste colectivo de confirmarse a cesión de parte do edificio do ISM a Rianxo. Mágoa non chegara antes de que decidiran o destino dos fondos estatais co que podería incluírse o seu acondicionamento dentro deste ano 2010.
Posted via email from Posterous de Certo, o xornal virtual de Barbanza e Noia
No hay comentarios:
Publicar un comentario