11.6.10

Boiro: o luns 14 comeza un curso de axente comercial dirixido a desempregados

Exterior da Casa da Cultura de Boiro


Boiro, 11 de xuño de 2010. O Departamento de Emprego do Concello de Boiro iniciará este luns, 14 de xuño de 2010, na Casa da Cultura Ramón Martínez López, Parque da Cachada de Boiro, o curso de Axente Comercial, pertencente ás Accións Formativas para Desempregados 2010 (AFD) da Consellería de Traballo e Benestar, cunha duración de 454 horas, en horario de 9.00 a 14.00 horas, de luns a venres, coa previsión de remate para o día 21 de outubro de 2010.

 

A Dirección Xeral de Formación e Colocación, partindo dun informe dos saldos netos máis destacados en cada comarca e para cada especialidade formativa da Formación Profesional Ocupacional, seleccionou as especialidades formativas que tiñan ocupacións relacionadas con maior número de contratos que de demandas de emprego, aquelas nas que o movemento do mercado laboral permite colocar a máis persoas das que demandan esa ocupación. En segundo lugar, engadíronse as especialidades nas que se observou que un número importante de alumnos se inserían en ocupacións relacionadas directamente cos cursos realizados (inserción neta), incluíndo así o curso de Axente Comercial na listaxe daquelas accións formativas consideradas prioritarias para a Comarca do Barbanza.

 

Con este curso, os 15 participantes poderán acadar os coñecementos necesarios para promover, negociar e concretar operacións mercantís, en nome e por conta dunha ou varias empresas, calquera que sexan as características contractuais con que realice o seu cometido, e tamén levar a xestión administrativo-contable pertinente de acordo coa lexislación vixente.

Posted via email from Certo.es, o xornal virtual de Barbanza e Noia

No hay comentarios:

Twitter

Related Posts with Thumbnails Banner: Regale selva tropical