Barbanza-Noia, 24 de novembro de 2010. A Real Zambombada de Atanzón (Guadalajara) virá para o mes de xira por terras galegas. Son máis de trinta persoas tocando á vez a zambomba mentres interpretan panxoliñas e música variada, tanto tradicional de Castela como pezas populares. A primeira vila na que recalarán destas bisbarras é Noia. Alí estarán o 4 de decembro, sábado, ás cinco e media da tarde, na residencia de maiores "Geriatros" (rúa Vizconde San Alberto 30).
Ese mesmo día achegaranse ata Boiro, pero un pouco máis tarde. Ás nove da noite está prevista a súa actuación no centro Leñaverde de Boiro (no baixo do Centro Social).
Xa o domingo 5 de decembro achegaranse a Ribeira, onde tocarán no "Geriatros" da Centenaria, outra residencia de anciáns. Será ás cinco e media da tarde.
Posted via email from Certo.gl, o xornal dixital de Barbanza e Noia
No hay comentarios:
Publicar un comentario