24.11.10

A Pobra do Caramiñal: o Concello asinará convenio para a primeira fase do proxecto do recinto deportivo na finca de Raquel Fdez Soler

A Pobra do Caramiñal, 24 de novembro de 2010. O Concello da Pobra do Caramiñal e a Deputación Provincial da Coruña asinarán o convenio para a posta en marcha da primeira fase do proxecto do recinto deportivo na finca de Raquel Fernández Soler situada na rúa Lapido.

     Segundo informa o Concello, "despois da instalación da pista multideportiva, financiada pola Secretaría Xeral para o Deporte na mesma finca, e que en certo modo deu o pistoletazo de saída para este novo convenio, podemos dicir que en breve os nosos xoves, e os non tan xoves, terán unha zona máis na que poder practicar deporte na nosa vila". Ademais, desta pista multideportiva contarase cunha pista de baloncesto, unha pista de skate e un rocódromo.

     Nesta primeira fase levarase unha completa remodelación da parcela coas instalacións de drenaxe e saneamento, instalación de sistema de rego e alumeado, construción dun muro de formigón armado que permita eliminar os taludes actuais e gañar espazo para o recinto. Rematarase coa pavimentación da pista de baloncesto e a de skate. Quedaría pendente para a segunda fase a dotación do equipamento deportivo necesario, remodelación do muro de peche da parcela, o axardinamento e dotación de instalacións de rego e iluminación.

     O importe achégase aos 45.000 euros, financiados integramente pola Deputación Provincial mediante o devandito convenio. Esta actuación, sempre segundo o goberno da Pobra do Caramiñal, "vén incidir na política que está a levar a cabo este equipo de goberno dotando das infraestruturas necesarias para a práctica deportiva en todos os rangos de idades. Como mostra temos os parques biosaúdables xa presentados no seu momento, e que neste caso favorece un pouco máis aos nosos mozos, xa que contarán con dúas pistas para a práctica de deportes un pouco máis arriscados como son o skateboard e a escalada".

Posted via email from Certo.gl, o xornal dixital de Barbanza e Noia

No hay comentarios:

Twitter

Related Posts with Thumbnails Banner: Regale selva tropical