Ribeira: remataron os obradoiros de reforzo educativo para maiores en Ribeira, Palmeira e Aguiño

Ribeira, 22 de xuño de 2011. Máis de medio cento de maiores de Ribeira, Palmeira e Aguiño participaron esta mañá no acto de clausura dos Obradoiros de Reforzo Educativo dende o pasado outubro ata o presente mes de xuño estiveron a ter lugar nesas parroquias. 

Organizados polo Departamento de Servizos Sociais, estes obradoiros foron impartidos por integrantes do grupo de voluntariado municipal: concretamente, por Cruz Rivadulla, Maruja Gago e Ana Sampedro, quen causou baixa e foi substituída no seu labor por Ana Schmitt. 

O novo concelleiro de Servizos Sociais, Promoción Social, Sanidade e Consumo de Ribeira, Vicente Mariño de Bricio, estivo presente neste acto de clausura, que se celebrou na aula de formación que teñen os Servizos Sociais na rúa Cristóbal Colón de Santa Uxía. O edil aproveitou para presentarse e poñerse a disposición dos maiores, na procura de que prestarlles un mellor servizo coas actividades que se desenvolven dende a Administración Local e aumentar a súa calidade de vida. 

Durante o evento a aula foi escenario dunha exposición sobre cruceiros e outros elementos etnográficos do municipio, que estivo a ser elaborada polos alumnos dos talleres ao longo do curso.

Pode que lle interese:

• Ribeira: a Festa da Dorna promociónase en Asturias

 

See the full gallery on Posterous

Posted via email from Certo.gl, o xornal dixital de Barbanza e Noia