- A rapaza Monina Chej foi recibida hoxe no Concello
Dodro, 5 de xullo de 2011. O alcalde do Concello de Dodro, Valentín Alfonsín, acompañado pola concelleira de Servizos Sociais e Igualdade María Soledad Boga Grela e a concelleira de Xuventude e Familia María del Carmen Fernández Chavéz déronlle a benvida no Concello a Monina Chej e á súa familia de acollida este martes día 5 de xullo.
Monina é a única nena saharaui que residirá durante os dous meses de verán no Concello a través do programa “Vacacións en Paz”. Pese á mala situación económica pola que atravesa o concello, o equipo de goberno non quixo renunciar a esta actividade solidaria e cumpriu co convenio asinado coa asociación “Solidariedade galega co pobo saharaui” que permite traer a Monina a desfrutar do seu último verán en Galicia. A nena recibiu un pequeno agasallo de benvida e comentou que de “Dodro lle gusta todo menos ter que ir ao médico”.
Relacionada:
Posted via email from Certo.gl, o xornal dixital de Barbanza e Noia
No hay comentarios:
Publicar un comentario