- Este xoves, xornada en Outes sobre este asunto
Noia, 6 de xullo de 2011. O Plan Comarcal de Prevención de Drogodependencias vén de desenvolver durante o mes de xullo o programa de prevención do consumo de alcohol nas autoescolas "Cambio de sentido". O obxectivo deste programa é mellorar a información do alumnado das autoescolas en relación aos riscos asociados á condución de vehículos baixo os efectos do consumo de alcohol e outras drogas.
Tamén se pretende incrementar a sensación de "vulnerabilidade persoal" derivada da condución dun vehículo tras consumir alcohol e outras drogas e, polo tanto, reducir o número de accidentes viais entre os mozos nos que intervén o alcohol e outras drogas.
Este xoves, 7 de xullo, terá unha lugar unha xornada de educación vial no Concello de Outes, a cargo de persoal da Agrupación de Tráfico cunha charla-coloquio na Autoescola Calo ás 10:00 h. e no Centro Social de Outes ás 11:00 h. Esta última vai destinada especialmente ás persoas maiores.
Posted via email from Certo.gl, o xornal dixital de Barbanza e Noia
No hay comentarios:
Publicar un comentario