Barbanza, por Certo: Ribeira: a andaina máis especial e desexada do ano é o 10 de xuño, ás Illas Cíes

14.5.12

Ribeira: a andaina máis especial e desexada do ano é o 10 de xuño, ás Illas Cíes

É a derradeira deste ciclo
Hai 200 prazas xustas e non se permiten mascotas
Hai que inscribirse na web da Cofradía da Dorna

Subida ao faro das Cíes. Imaxe da andaina do ano pasado

Ribeira, 14 de maio de 2012. Como xa ven sendo habitual, dende a R. e I. Cofradía da Dorna, organizan para o vindeiro 10 de xuño a derradeira das andainas do programa PONTE A ANDAR 2011-2012.

Este ano van ás Illas Cíes e xa están abertas as incricións (200 plazas), que podedes formalizar dende a web dorneira: www.cofradiadadorna.com. Piden que as interesadas e interesados en ir lea antes as normas que regulan a actividade, que son:

Que é "PONTE A ANDAR"?

Ponte a Andar é un ciclo de andainas organizado conxuntamente pola Cofradía da Dorna e o Concello de Ribeira.

Os únicos requisitos que se piden é:

Puntualidade na hora da saida, e no lugar que se indica en cada ruta.
Roupa e calzado cómodo e apto para o tipo de actividade que se vai levar a cabo.
Algo de beber para o camiño, ou un recipiente no que poder portar líquido.
E, por suposto, atende-las intruccións dos monitores en cada ruta.

Debido á acollida que o programa PONTE A ANDAR tivo entre o público no ano 2012, programan para o día 10 de xuño (domingo) unha andaina especial que terá lugar nas:

ILLAS CÍES

(mira o video vale a pena)

E polas características do lugar vémonos obligados a cambiar as condicións da andaina; estas son:

IMPORTANTE: A actividade é unha ANDAINA polo que tódolos que se inscriban participarán da mesma. Si alguén declina participar na andaina unha vez na illa PERDERÁ O DEREITO A REGRESAR NO BARCO, tendo que utilizar o servicio regular que transporta ata Vigo ou Bueu.
O horario de saida será ás 8:00 h. do Porto de Ribeira, no porto deportivo (ver o plano máis abaixo).
Hai que reservar praza, pois o barco que nos leva á Illa de Cíes só ten capacidade para 200 persoas. (Non se permiten mascotas).

As prazas reservaranse por riguroso orde de inscripción, que ÚNICAMENTE facerase dende o formulario que figura mais abaixo; unha vez que dende a organización che confirmemos no email de contacto que a túa reserva ten plaza adxudicada será cando se proceda co ingreso bancario de 15,00 € (QUINCE EUROS) na conta de Caixa Galicia: 2080-0303-16-3000177362 (DEBERÁS ENVIAR COPIA DO XUSTIFICANTE BANCARIO PREFERENTEMENTE Ó MAIL OU SENON Ó FAX 981874603).
Non se terá a ninguén por inscrito ata que se confirme o ingreso, polo tanto, si reservas praza e non fas o pago outros poden ocupar a túa praza.
Chegarase á Illas Cies ás 10:00 h. e escomezará unha andaina que nos levará ata o faro. Estímase a hora de finalización en torno ás 12:30 h.

Haberá que comer na Illa, e ainda que hai establecementos que sirven comidas, recoméndase que cada un leve algo da casa xa preparado.
A tarde terémola libre para aproveitala como ben nos prazca.

O barco de regreso recolleranos ás 18.00 h. no porto da illa e deixaranos no porto de Ribeira dúas hora despois.
Dende a organización insistimos máis que nunca na puntualidade dos horarios establecidos pois dependemos dun medio de transporte que esixe puntualidade.