Barbanza, por Certo: Ribeira: Serafín Marcos divertiu aos escolares namentres aprendían a vida de Paz Andrade

11.5.12

Ribeira: Serafín Marcos divertiu aos escolares namentres aprendían a vida de Paz Andrade

O curioso performer noiés está a estrear o seu novo espectáculo "Coñeces a Valentín?"

Ribeira, 11 de maio de 2012.- Como estaba previsto, o Auditorio Municipal rexistrou un cheo total durante o espectáculo que o artista Serafín Marcos ofreceu sobre a figura de Valentín Paz-Andrade, dentro da programación do Maio Cultural 2012 confeccionada polo Concello en homenaxe ao autor tributado este ano no día das Letras Galegas.

No salón de actos do edificio, déronse cita case 300 alumnos e profesores de primeiro e segundo ciclo de Secundaria dos colexios A Milagrosa de Oleiros, Sagrado Corazón de Castiñeiras e Galaxia, ademais de usuarios da Asociación Ámbar.

O espectáculo, que levaba o título de “Coñeces a Valentín”, realizou unha aproximación aos aspectos máis formais, aos máis tráxicos e as curiosidades da vida de Paz-Andrade, dende un punto de vista participativo e tremendamente divertido, espertando as gargalladas dos rapaces en multitude de ocasións.

Contacontos na biblioteca o sábado

Cabe recordar que, tamén dentro do Maio Cultural, mañá terá lugar a a segunda das actividades incluídas nos ‘Sábados de Libro na Biblioteca’: unha sesión de contacontos infantil a cargo de Marisa Irimia (Foz, 1969) titulada “Kontos de akí e akolá”.

A actividade, que está pensada para nenos e nenas de entre 3 e 12 anos, desenvolverase dende as 11.30 ás 12.30 horas e será de balde ata encher o aforo.

Antes, en Certo:

Serafín Marcos presenta o seu novo espectáculo "Coñeces a Valentín?"

Dentro dunha semana "Vigo a 80 revolucións por minuto" @Xerais en Riveira @AteneodeRiveira twitter.com/dificilmelopon…
— Emilio Alonso(@dificilmelopone) May 11, 2012

Foto-sub 2012 » domingo 13 ás 21.30h farase unha proxección das fotos da xornada na Praza de Vigo de Riveiraj.mp/IVp3gr
— arousanorte (@arousanorte) May 11, 2012