Noia: organizan un seminario para deixar de fumar o xoves 5 de xullo

Noia, 21 de xuño de 2012. A Concellería de Benestar e Igualdade organiza un seminario para axudar aquelas persoas que desexen deixar de fumar. No devandito seminario darase información do que é o tabaco e dos riscos que o seu consumo leva consigo para a saúde. Así mesmo tratarase sobre os tratamentos efectivos máis actuais e eficaces para deixar de fumar, darase información sobre cales son os máis adecuados para deixar de fumar, podendo elixir as persoas que así o desexen o que máis se adapte ás súas circunstancias.
O primeiro dunha serie de seminarios encamiñados a axudar ás persoas que queiran a deixar de fumar estará impartido por Antonio Busto, licenciado en farmacia. O devandito seminario terá lugar o xoves, 5 de xullo de 20:00 a 21:00 h. no edificio administrativo da Rúa do Curro, 4 - 2ª planta.

Posteriormente darase continuidade con outros seminarios que tratarán sobre adeshabituación e técnicas conductuais para deixar de fumar. Para inscribirse as persoas interesadas deberán enviar un correo electrónico a infodrogas@gmail.com ou chamar o 609.82.31.34

Posted via email from Certo.gl, o xornal dixital de Barbanza e Noia