Cultura: 215 mecenas conseguen sacar adiante a banda deseñada sobre Alexandre Bóveda

Galicia, 16 de xaneiro de 2013. Un total de 215 mecenas reuniron un total de 4.511 euros para o proxecto Bóveda, un alegato pacifista contra a inxustiza mediante a plataforma de crowdfunding Verkami. O traballo, con debuxos de Carlos Sardiña e textos de Pitusa Arias, percorre a biografía do galeguista fusilado no 36, facendo fincapé na actualidade do seu pensamento fiscal e facendístico.

---

Radiofusión edita 1.000 exemplares deste álbum ilustrado a toda cor e de 46 páxinas, que os promotores queren comezar a enviar aos mecenas nas vindeiras semanas. Alén dos colaboradores, a obra pode adquirirse na Libraría Paz, en Pontevedra e en Contos, en Fene. Tamén se poderá solicitar por correo a homenaxeboveda@gmail.com.

Segundo destacan desde Radiofusión, entidade promotora do proxecto, o crowdfunding conseguiu un amplo eco internacional e mesmo acadaron os parabéns do historiador británico Paul Preston, quen se comprometeu a difundir a iniciativa. Ademais os promotores foron tamén convidados a presentar o proxecto nun encontro de investigadores sobre didáctica da historia na Universidade de Valencia.

O álbum sobre Bóveda conseguiu 4.500 euros mediante crowdfunding. Enterámonos vía @culturagalega culturagalega.org/noticia.php?id… @radiofusionga #pódese

— Certo (@Certo) January 16, 2013

Conseguírono! Parabéns! Teremos a biografía de Bóveda en banda deseñada! verkami.com/projects/3643-… @radiofusionga @gconfidencial @quepasanacosta

— Certo (@Certo) January 16, 2013

Antes, en Certo:

• Banda deseñada: Pitusa Arias é unha das autoras de "Bóveda, alegato pacifista contra inxustiza"

Posted via email from Certo.gl, o xornal dixital de Barbanza e Noia