15.3.13

Ribeira: o Liceo Marítimo rematou o seu obradoiro de bailes de salón

Na tarde de onte deu remate unha a iniciativa enmarcada dentro do Programa de Dinamización dos nosos Maiores de Ribeira, consistente nun Obradoiro de Bailes de Salón que contou coa participación de 31 parellas divididas en tres grupos.

Para celebrar a fin de curso, xuntáronse nas instalacións do Liceo Marítimo participantes dos tres grupos para ofrecer unha exhibición, baixo a dirección do que foi seu mestre, o coreógrafo riveirense Vicente Colomer Bussoms.

Tamén fixo acto de presenza Vicente Mariño de Bricio,  concelleiro  de Servizos Sociais e Promoción Social, área promotora da acción. Mariño de Bricio felicitou aos bailaríns polo seu bo facer o salientou a gran resposta que tivo a nova iniciativa, que se suma a outras accións dirixidas aos maiores, como os obradoiros de memoria, galego ou inglés ou as saídas culturais que se van dar a coñecer en breves datas.

O curso completo durou tres meses e celebrouse todos os xoves no Liceo con clases dunha hora de duración.




Posted via email from Certo.gl, o xornal dixital de Barbanza e Noia

Publicar un comentario

Twitter

Related Posts with Thumbnails Banner: Regale selva tropical